wanhoisecret
patreon
我的17歲好兄弟
🕑 Added 2019-12-21 05:43:22 +0000 UTC人到中年就是多愁善感！今朝原本整理舊相，卻令我想念起一個二十九年前的好朋友！他叫Lawrence ，當年我18歲、他17歲，我們關係相當要好！大家在教會中認識，他是個相當率直的後生仔，什麼也跟我說，所以特別喜歡他，我們自然也成為好朋友，他其實當我是他大哥哥！生活上有難關也是找我幫忙，還記得有次他在灣仔撞穿頭，滿面鮮血，我馬上送他入急症，通知他父親到來；沿途他還對著我傻笑，對我說：「我唔驚！」我說「你好傻！」但我就係鍾意佢儍氣！後來，他離開了教會，大家再無聯絡！聽聞他很早結了婚，生了孩子，但生活落泊了失業了，太太跟他離婚了！後來有人見到他，樣子滄桑得不得了肥胖了，不斷在生活上掙扎！其實這麼多年來一直希望他有需要可找我幫忙，但他從來沒有！而事實上他後來去了朋友的公司工作，他絕對可以接觸我，但他也從來沒有！有時候我也好難過再沒有見到這位朋友，但有時候又好慶幸我再沒有見到這位朋友，因為他的所有一切，在我腦海中依然停留在那個17歲的天真少年，還記得那個夏天他在石澳沙灘，衝過來把我緊緊抱着，說：「雲海！我好愛你！」放心這絕對不是愛情故事！是一個停留在29年前的兄弟情故事！今天看到他的相片，我突然非常非常掛念他！坦白講，我是有落淚的！再見了17歲的Lawrence ！
Comments
人就係咁 當自己去到人生低谷既時候係唔會想比當年老死見到 尤其呢位老死生活過得咁好 更加感覺得自己好失敗 好醜
人生⋯⋯⋯其實並不快樂🥺
感慨, 朋友 我當你一世朋友
能成為密友大概總帶着愛
下次話你知！
記得佢向你「表白」時你咩反應嗎?佢嘅故事點延續同你嘅回應不無關係呀～
知道近況便可以了
可能佢唔想雲海見到佢落魄的樣子, 只想佢最好的時光停留喺雲海的記憶之中!
十八歲既雲海對佢黎講應該都係獨一無二既存在，無論你哋兩個變成點，相處過美好既回憶都會一直留低～
我成日覺得自己冇朋友，雖然唔係真係冇，但係我真係覺得自己冇朋友。呢種狀態對我一D影響都冇，衹係經常獨來獨往，經常一個人去旅行。
雲海，你呢個感性故事都觸動了我神經，我已經移左民，而對方就掉返轉回流返香港，我地係網上認識，但一齊去過兩次旅行！幾年前佢突然間無再同我聯絡，我臨去外國之前有試過搵佢，佢臨出黎之前爽約，失望，都估到係佢女朋友唔俾佢見我，到我而家返左香港，都好想搵返佢，可惜始終無呢個決心。
其實，你應該約佢相應聚舊，了解下大家嘅生活，講吓想當年嘅低能野！我都有一個三十幾年嘅中學同學，廿年冇見。 因為我覺得佢後來為左錢，性格變得有問題，所以一直我都唔諗住同佢相，認雖然佢有WhatsApp我。 一次誤打誤撞，我約番佢出嚟打邊爐吹水。之後，我就覺得咩事都唔緊要啦，舊朋友都買少見少，可以一齊相聚，吹水，先係最好！試吓啦。
自尊心強的人，係會唔想自己最好既朋友幫忙，尤其係已經係知名人士既朋友。佢可能會覺得自己被你幫忙係一種你由上向下既關係。佢可能同你一樣都記掛惜日既友誼，先唔想破壞大家曾經好好既關係
友情同愛情一樣只有好小數可以長久，所以當你仲有嘅時候就好好享受，過去了也不必太在意反正人生就冇嘢係長久，上上落落起起跌跌變幻才是永恆！
真心知己的確好難得👍有時我地用心付出去對待朋友希望對方亦然，可惜最後事與願違…🙏
難道他不是直？還是他不好意思搵/煩你？
