wanhoisecret
patreon
初四的科幻小說
🕑 Added 2020-01-29 07:39:48 +0000 UTC聽老左講歷史故事，精彩過科幻小說！話說今日中午陪佢食開年飯，當然係疑似藍店之京菜館啦！熟悉的夥計同我老竇當然就帶談起武漢肺炎嘅問題啦！嗰啲夥計全部都係大陸出世長大，反而同我地講，全部都表明根本就係官員隱瞞疫情，先至累到疫情擴散......其實喺大陸出世長大嘅人係比香港的藍絲更清醒！咁突然間我老竇就講起細個喺北京一個佢認為係真人真事：「以前北京有個人感染咗肺炎，嗰陣時冇藥，根本冇得醫佢就自己呢喺屋企外邊嘅菜掤居住，日日就食自己種嘅大蔥蒜頭，過咗幾個月佢就好返晒啦⋯⋯」我真係瞪大隻眼望住佢，之後佢補充：「佢有一路食西藥嘅！」我係咪應該好似IQ博士咁倒地？之後佢繼續講：「咁後來佢返醫院度檢查真係好返晒喎，咁當時北京有個德國醫生（我已經唔夠膽問佢點解北京有個德國醫生？）見到咁嘅情況就問佢呢幾個月食咗啲乜嘢啊？知道佢狂食大蒜，於是乎就進行詳細研究，就將大蒜嘅成份，製造左後來嘅盤尼西林啦！之後就拯救世界啦！」我其實嗰陣時食緊麵，爭啲噴出嚟！🙄
Comments
🤣
😂😂😂😂😂
會晤會係老左互通訊息的密碼或暗語？你知啦香港係情報中心
佢係咪講緊笑話？😅
個故事幾正喎, 有埋時光機就仲正, 哈哈哈
2個人食好多野
嚴浩....
Uncle win晒
繼林狗踎低噴飯之後...到你差唔多想...坐低噴麵 😅😆😂
點解唔見03年沙士煲醋狂潮嗰陣話煲得出盤尼西林？
我想問老左係咪日日出街都係咁西裝骨骨㗎?🤣
盤尼西林有咩大蒜成份？🧐
所以係中國發明？？？
Ah Shun
蒜頭係有益，但係講到去半盤尼西林。🤣🤣笑死。 我相信老左講個果應該係事實，其他嗰啲應該係西方野史。
下本書個名可以叫靈異蒜頭😂😂
依個系靈異過靈異故事😂
成件事極之迷離
🤪
簡直係「老左同三少開年！」😂😂😂
香港人仲唔快d炒蒜頭!!係時侯入貨啦
創作力量同幻想會嚇你一跳⋯⋯
一於搵老左吹番集格羅茲尼，一定好正 老左加雲海，雲左合體，夠哂gimmick🤣🤣🤣
OK, 即係中國人又再一次改變咗世界係咪?
🤣🤣🤣🤣
😂😂😂
😆😆😆真係好科幻啊！
Alvin Au
🤣🤣🤣🤣🤣
