wanhoisecret
patreon
有人食夾棍
🕑 Added 2020-02-21 01:15:41 +0000 UTC（雖然放咗上Facebook都擺低喺呢度）
其實真係冇諗過，剛剛從日本回到香港就已經非常繁忙，首先一位政府內部人員堅持要約我出來飲杯咖啡，向我透露一些情況！我就稱他為X先生，X先生從事邊個部門我就不方便透露，但我們認識也不少日子了，他當然也不是政府新丁！X先生把手上的咖啡杯輕輕放下，說：「陳生！你都知道近排好多口罩同埋防護裝備都送咗去警務處！」我：「我知，新聞有講！」X先生：「但真相並不是傳媒所報道咁！」我：「即係點呀？」X先生：「要知道一向分配比警務處嘅物資大部份都會送去北角個倉，警務處啲同事會叫嗰度做Police store！由嗰邊嘅相關人員負責分配！但今次相關人員感到既不知所措又唔敢出聲，係因為被送去嘅物資總數同政府新聞處公開講嘅口罩數目係有一個明顯嘅巨大落差！」呢度講嘅巨大落差當然係唔會多咗啦，而係少咗！而且係少咗一半！我：「咁都得？！即係話政府公開話啲口罩送咗俾警務處實際數字就只有一半落咗去警務處，咁其他一半去咗邊呀？」X先生：「good question！我哋好多公務員都想知！去咗邊呀？我哋公務員體系唔係有數嘅咩？仲要而家政府就係提醒警務處就少見左條數相差咁大都唔夠膽出聲，因為已經將大部份物資送一部警務處而唔係醫院前線，如果佢哋仲爆響口就好大鑊，所以陳生想借你把口爆大鑊！」咁問題你啦果一半數目嘅口罩係咪暈咗上大陸呢？物流處係咪有人做假？係咪有人虛假文書呢？依家有幾有可能性，一係根本就冇呢個咁大嘅數目政府吹大左講大話！一係條數啱嘅，有中間人攞咗半走，去咗邊冇人知！X先生：「陳生仲有一樣奇怪事，依家傳媒報道坊間市面出現嘅csi口罩包裝，並唔係近年懲教署嘅包裝模式，咁問題又來啦！咁市面上聲稱用懲教署流出黎嘅csi口罩到底係邊度嚟㗎？」有人同我透露而家市面上嘅csi口罩其實係三年前嘅產物，而家嗰啲可能已經上晒大陸！由於我並唔係神仙，根本冇可能查到咁多野，我只能寫出嚟希望各界傳媒朋友幫手調查，查吓呢個政府究竟腐敗到咩地步？炸兩俠只能知道幾多寫幾多！
Ps若果你識睇呢個版本係多啲野㗎!
Comments
快過李居明，一早買定龍珠
我相信 唔見咗 果條數，保安局係知嘅，我相信唔係之前報大咗，而係俾咗中聯辦！ 雖然駱慧寧 俾 习大大 欽點，坐咗中聯辦個揸 fit 位，但佢根本話唔到事！北京又接濟唔到佢，我諗 整個 中聯辦系統（包括下線組織），幾千人都一樣嗌緊救命！所以 林鄭果班 京官，咪順便投桃報李，分咗啲口罩俾 中聯辦系統囉！ 呢啲唔見得光嘅數，咪搵警務處食咗佢囉，反正 克警 長年累月 食咗咁多油水，咪要佢地慣一舖囉！ 疫症之前，口罩根本就無價無市，我唔覺得有好大誘因，係生產同招標之間會落格。
所有消耗性物件都有使用期限，依倉存管理，先用舊貨保存新貨係好正常嘅事，我屋企都仲用緊17年前法國製造嘅倉底貨口罩。
反正克警做得太多衰嘢，索性入晒克警數，佢地緊係唔咁出聲！啱㗎啦！
我有朋友有csi 口罩，我問過佢，佢話屋企人做食環署，每季要報數拎口罩，報數一定會預多，少咗下季Cut quota 架麻，咁用完到下季，多咗出來嘅口罩佢哋唔會儲存得咁多，於是就會丟，好多人眼見白白丟咗去不如拎返去用，反正丟咗去咁浪費，所以市面上面就有呢啲俾人執返去用嘅csi 口罩
成個政府跟本唔見曬d口罩，佢叫home office係因為唔夠派每日一個口罩俾所有人
三年前🤔
我有個差佬朋友同我講 佢個部門分配既口罩都係過晒期 x先生講既野 可能係事實
