wanhoisecret
patreon
成功複診
🕑 Added 2020-03-09 08:56:02 +0000 UTC我今朝再打電話俾醫管局，希望佢哋聽下我講，明顯地接電話佢專科護士態度同之前有唔同，我就講話：「希望你理解一下我下晝會來診所攞藥，但我真係唔希望接觸到任何醫生同你哋嘅病人，第一我尋晚先由日本返香港，根據衛生署嘅指引係應該自行隔離14日、第二我半個月內去咗兩次福島核電廠重災區，原則上有輻射風險係唔應該接觸小朋友同埋老人家同埋長期病患者、三我星期五見到你哋入境處嘅職員佢係處理鑽石公主號嘅同事但係佢都冇口罩同我講嘢！我真係唔想惹到你地任何一個人！希望我只係嚟攞藥我就走得！」呢次嘅專業護士就話，咁樣嘅情況我哋會特別處理，你過嚟話我知就得㗎啦！咁我下晝三點幾去到現場攞藥！門口已經有兩個full gear嘅護士要消毒手同埋探熱！表明來意講埋個名佢哋就知道係我就特別處理，我比完錢就喺診所外邊石凳等有人幫我攞藥，過咗一陣仲要出嚟話比返錢我因為我唔使見醫生係唔使收藥費！（咁好？交稅終於有着數！）咁過咗大概半個鐘，另一位相信係專科護士攞咗成袋藥比我同埋約埋下一次複診時間係六月！咁就要讚，整個過程我原則上係接觸唔到任何病人同埋醫生或者相關其他護士，對其他人來講係安全好多！
Comments
因为，国王系有特权既。完。
上星期，我去醫院既專科門診幫家人取葯加改覆診期，都係唔駛比葯費。但個護士有叫我去會計部申請個覆診費用豁免，係會計部攪完手續就去排隊然取葯。
吓！
Ah Shun
我媽情況一樣, 我幫佢攞完約藥之後，姑娘話唔洗收錢，但轉頭寄張單嚟，話我媽欠政府160蚊。
都算是專業服務, 香港的醫護算守住了.
難得👍🏻
Professional👍
👍🏻
黑警和「黑護」的分別
果然係一個不遀便的人👍🏻💪🏻
香港醫護人員做實事是最專業最值得敬重👍🏻
終於有啲正常人！
終於有好事聽下👍🏻👍🏻👍🏻
