wanhoisecret
patreon
關於豪華郵輪
🕑 Added 2020-03-09 01:53:00 +0000 UTC你知道嗎？我除咗長江三峽同埋埃及尼羅河嗰啲所謂遊船之外！我係從來都冇錯過郵輪去旅行！唔係我唔鍾意，而係我一直都認為坐郵輪嘅安全問題係我一直都諗唔通！幾千人集中好短一段時間一齊，自助餐又完全係細菌病毒散播嘅溫床，加上中央冷氣系統，呢次鑽石公主號同埋至尊公主好大家就清楚啦！根本就係困獸鬥！所以我唔明白點解日本官員同美國官員係要求乘客留喺架船上邊繼續用中央冷氣散播病毒？我到呢刻都理解唔到！而更加更加更加好笑嘅係，你知道過往15年其實公主號嘅集團係每個月都會email最新訊息俾我！可能佢一直都以為我係潛在客人？！咁鑽石公主號發生呢件大事之後佢send咗個email畀我真係笑到噴飯，佢話依家全球招標搵緊一間可以徹底清潔整個郵輪嘅公司！第一，你send呢個email畀我唔通我有呢個專業資格咩？第二，原來過往幾十年你哋冇一間專業嘅消毒公司係專門定期消毒整架郵輪㗎？唔係咁撚恐怖呀嘛！你又要知道佢哋嘅收入來源係好可觀喎！但原來清潔一向都馬虎嘅！唉！睇嚟經過呢次事件之後有機會我一世都冇坐郵輪嘅機會了！（但係去南極我始終都係想坐郵輪，並唔係想坐科學船！😂)
Comments
如果唔係家母想坐下遊輪，上年12月中都唔會坐⋯ 結果一如所料，連家母都覺得悶到不得之了⋯ 以後應該可以免疫唔使再坐遊輪。
坦白講我認為鐘意坐遊輪係嗰D好唔adventurous 亦冇乜心認真了解目的地風土人情嘅人。我有D朋友係甘的，落船去D趕到死嘅excursions為打咭，導遊講乜冇興趣，食野鍾意free嘅buffet。我去過一次北歐cruise之后不但冇改變我對cruise嘅反感，係更加唔鍾意!
醫院都唔會徹底清潔消毒所有病房，何況遊輪酒店飛機還是旅遊巴。同意中央冷氣散播病毒，應該上岸隔離。坐遊輪嘅好處係除時有廁所，唔洗日日換酒店。
Edward So
除咗衛生問題 仲有空氣污染問題 又有欺壓員工問題 無論係邊一方面都唔應該支持郵輪旅行
咁其實遊輪又乜吸引之處呢呢？
舊年坐過由台灣去沖繩, 發誓以後都唔會再坐郵輸, 船上係台灣人多, 相信情況已經比全船強國人或香港人好, 但所有野都要霸, 自助餐難食, 有人 serve 的餐廳都難食 , 泳池唔會敢落去, 表演要提早半個鐘去搵位, 賭場係煙格一樣, 房好迫, 同埋同等級、相鄰的房都會一大一細但住同樣的人數, 坐咗三日, 最後一日悶到都係留喺房將鄧寇克行動, Darkest Hour, Avengers 1-4 煲哂, 總括而言只係又悶又煩\
根本郵輪就唔會有真正清潔，執完房就同你講乾淨，冷氣又十幾萬世唔會洗
大陸唔肯公開研究數據，某程度郵輪係一個理想實驗室，尤如一個隔離小形城市，小形社區！
十幾年前曾坐過水瓶星號，諗住叫做體驗吓。結果我只見到有班人一上船就去賭場，除咗餐廳同表演場外，其他地方都唔係太多人。至於衞生就.......好老實講，真係唔算太好或者叫太差（表面上），但唔覺有人會去清潔。由於嗰次太悶，之後完全冇諗過去。😅😅😅
有人喺連登開po話自己喺船度，我有一直追po，真係睇住佢由冇事到中咗（佢話情況輕微）但係一路睇都已經覺得：唔係吓嘛，點解明知隻船中咗都唔叫晒啲人落船隔離呀，一日唔落船肯定成船都奶晒嘢（結果大家有眼見）
郵輪, 不了。
隻船其實係間喺海上嘅流動酒店，平時啲酒店有幾污糟架船就至少有幾污糟
之前冇試過都想試，現在不了
