wanhoisecret
patreon
美墨邊境偷渡熱門公路
🕑 Added 2020-03-21 00:31:18 +0000 UTC美國宣布關閉同墨西哥邊境，又令我諗起90年代初我嗰位好特別嘅二舅父，親身揸住架車帶我去見識當地一個奇景，就係加州聖地牙哥同墨西哥提華納嘅邊境偷渡熱門公路！
當年喺嗰條六線嘅高速公路上邊，不是會見到一個全美國只有呢度會出現嘅路牌：一個偷渡客拖住兩個細狂奔嘅路牌！因為原來好多墨西哥人甚至南美洲人知道美國邊境檢查得好嚴緊，當時佢哋就利用一個比較痴線嘅做法，就係抱住個行李由墨西哥提華納海岸游出大海，大概兩三公里之後過咗美國邊境就游返上岸，由於海岸邊係高速公路，佢哋就會大帶細、攞住行李衝過六條線嘅公路要進入美國內陸！但呢種瘋狂行為往往令到美國駕駛者根本停唔切車，每年喺條公路上邊被撞死嘅偷渡者數以百計！尤其是事件發生係夜晚根本就睇唔到佢哋！
甚至我果次架車經過現場，已經見到一啲散落嘅行李喺公路上邊，相信都係屬於偷渡客！而另一個風險係，加州對開海岸其實都有鯊魚出沒，即係佢哋為咗去美國首先要冒鯊魚風險、再冒俾車撞死嘅風險！
其實好多第三世界國家人民依然當美國係天堂㗎！我就唔評論啦！但過咗20幾年呢個偷到路線，仲存唔存在呢？我就真係唔知啦？
全世界獨有嘅偷渡客提示路牌！
聖地牙哥海岸旁邊就係高速公路。
當年二舅父帶我去考察美國墨西哥邊境嘅邊防安全設施！
喺呢個位置不時就會衝出警車去攔截偷渡者!
Comments
好耐之前聽你係電台講過，今日終於睇到個偷渡客提示路牌
Dash Cheng
係咩野迫到d人要咁冒險去偷渡，唉。
I was there during the Xmas in 2019, it is not that easy to swim over the border now.
向美國申請政治庇護的人數亦係 No.1
強國人民好鍾意移民到美國。 2018年，強國移民到美帝係全球No.1。
之前有一條地下秘道。我可以知道嘅，當然已經被美國發行咗。
