wanhoisecret
patreon
今日分享一張張國榮相片
🕑 Added 2020-04-01 01:59:47 +0000 UTC首先我並唔係哥哥嘅粉絲，但幾年前收購舊相嘅時候，見到一張7、80年代哥哥喺電視台嘅黑白照片，當然忍唔住收購埋啦！應該係當年啲娛樂記者影，咁其實我真係唔係佢嘅粉絲，我遲啲會擺喺古物店賣咗佢！我細個其實對張國榮冇乜感覺，但佢過身之後我反而幾鍾意佢，買返佢啲歌聽！有冇人好似我一樣係佢死咗之後先鍾意聽佢啲歌？
Comments
佢死後我先至識欣賞佢嘅《大熱》~
我....... 仲要當年比較喜歡條 PK老嘢多D。但哥哥走後，每年每年咁越嚟越鐘意佢，而家4月1號已不再是愚人節了。
我細路果時係憎張國榮，鐘意譚校長添……到大左就唔會咁幼稚，不過都係佢死左之後會聽多左就真。
細個果陣係俾我阿叔感染，佢沖涼果陣係個廳開大音樂聽哥哥d歌，日日係咁聽，中意咗！
同雲海相反，細個時好鍾意佢，因為佢睇麗的。大個後就冇感覺，轉而鍾意陳百強，依家兩個都唔喺度啦。
現在覺得張國榮d歌越聽越有韻未,聲線又好,相反,譚生早半年前推首新歌,把聲好沙好難聽,難聽到我即本刻熄左部收音機。救命!老了是要退休的,聲都毁了請以後別再唱了
以前細個只知佢同譚生鬥生鬥死,兩個都唔鐘意,只喜愛譚生首誰可改變,因為鍾意翁美鈴套天師執位
有
Chan Sun
我以前係校長fans, 所以一D都吾會理佢, 佢過身後因多左好多人講佢過去, 先發覺原來佢係好人, 跟著開始追番佢D歌... 其實吾止佢, Beyond都係咁, 過身後先知錯過了...
有
由佢唔再攞奬開始聽
我就死前小聽，死後又真係聽多左。
梗係有啦，我都係細個無乜感覺
最鍾意風繼續吹
Kel Lee
"有冇人好似我一樣係佢死咗之後先鍾意聽佢啲歌？" +1
細個中意聽不羈的風 佢走左就中意聽無心睡眠少女心事 很喜歡 憂鬱奔向冷的天 尼句 唱k就會揀路過蜻蜓
我應該系由大熱開始認識佢，點知冇幾耐就走左，唉～
同埋老豆鍾意皺皮倫 細個成日聽 大個左聽左哥哥同知佢咁戇鳩 以後唔聽
有！因為佢死果時我得9歲😅
我大咗先識欣賞，但人都死咗。特別佢收山重出江湖，性取向改變後d歌特別好聽。而且有深度
佢死之前都重未到識追星嘅年紀，都係只係記得佢開大熱演唱會嗰陣點樣比啲傳媒冷嘲熱諷（嗰陣好似小學四年班），大大下接觸更多就好鍾意聽佢同佢嘅歌🥰，都覺得可惜點解自己唔係生得早啲，可以喺佢在生嘅時間早啲識得欣賞佢。除咗佢，梅艷芳都一樣，真係好可惜😣
