wanhoisecret
patreon
一個前線醫護人員的真實情況
🕑 Added 2020-04-03 02:37:17 +0000 UTC各位，我要寫一寫實際情況俾大家聽，有少少長但俾少少耐性，因為你會發現香港所謂社區爆發都係香港政府、醫管局，同各間醫院自己造成！
話說早幾日浸會初步懷疑有個病人確診武漢肺炎（767號），但係佢係普通病房住咗兩日，先至送咗去隔離病房，咁琴日就終於確診肯定係患咗武漢肺炎！
咁曾經照顧過嗰位確診阿婆嘅護士，本身我係認識係我朋友，佢琴晚就表達不安同不滿嘅情緒，因為醫院高層完全唔理會啲前線工作人員！以下係相關護士嘅陳述：
「浸會個個確診個案，係係我做個個病房住過，之後先轉去HA,但已經過咗2日，今日終於確診咗，但高層無安排我哋所有有接觸過佢嘅同事隔離同驗查有無中，又無轉走同一間房嘅其中一個行動不便嘅婆婆，而個個婆婆我哋每日重要幫佢抹身，換片，但一直無比我哋著保護衣，無叫我哋帶N95，間房亦無大消毒。
今日（昨日）果個婆婆照x光話肺有花，我有個同事亦出現有確診者出現嘅病徵，高層仍然話只要帶普通口罩，同有洗手就唔怕（吓？！）。真係灰到一個點🤦♀️我都唔知而家可以點。。。😭😭😭😭😭😭😭😭😭😭😭」
呢位護士朋友再三要求醫院高層幫佢地做測試，醫院高層堅持唔肯！到底係咩道理咩邏輯呢？佢哋要做到社區爆發？之後搞到我呢個朋友琴日放工連返屋企都唔敢，佢話唔知點算！！！唔該相關部門認真對待我哋一路喺前線工作緊嘅醫護人員，生死攸關！再者你逼佢地感染再引發社區爆發亦都係好弱智嘅行為！唔該啲醫院高層收手啦！浸會醫院你作為以基督教為本嘅醫院唔該你唔好咁冇血性啦！
若果有記者傳媒想接觸呢位前線護士朋友可以直接聯絡我（傳媒大多數都有我電話，唔好再用Facebook PM我！）
Ps補充一句我呢個朋友當然係黃㗎啦！
Comments
其實自從上年年中已經對任何政府做既野都帶住懷疑了
從頭到尾毒蛾政府, HA, 乜鬼衛生防護中心全部從上至下都係 hea 做或被迫 hea 做防疫甚至抗疫, 確診咗可以叫佢返屋企過幾日先安排入院已經完全有違醫德和常識, 完全不能理解咁樣搞到大爆發的話對佢地有乜好處
😡😡😡
😡
仆街政府
私家醫院仲仆街 滅聲仲易
呢個仆街政府根本就想全香港人中晒招😡😡😡😡
唔知呢個方法得唔得：係家中「暈倒」然後家人打3條9話有發燒兼照顧過武肺病患
