wanhoisecret
patreon
特首辦新聞主任自殺事件
🕑 Added 2020-04-04 14:25:42 +0000 UTC我諗今晚最離奇最多人討論緊嘅就係呢單自殺事件！
下午4時許，一名32歲姓譚男子由將軍澳景林邨景桃樓的高處墮下，倒卧一樓平台位置，警方及消防到場後證實男子死亡。警方於現場沒有撿獲遺書，事件沒有可疑，死因有待驗屍後確定。
後來證實事主是32歲譚啟耀，本來是特首辦新聞主任，與父母及姐姐居住上址一高層單位，近日因工作問題而情緒低落，周一（30日）辭職並支付代通知金，自行補水立即走！辭職6日後，他在今午趁家人不為意時，從家中客廳窗戶一躍而下。
消息又指，譚啟耀兩年前調至特首辦，之前在新聞處總部工作，每逢周二早上召開的行政會議前，特首林鄭月娥均會會見傳媒，特首辦的新聞主任均會事先打探在場傳媒將會向林鄭提問甚麼問題等！
咁頭先我政府嘅線人就同我討論呢件事，大家都覺得非常之不尋常，首先喺下晝譚生自殺之後其實係冇即時公布呢個人嘅身份背景，直到夜晚先至確實係特首辦嘅新聞主任，都啱啱10:00特首辦先發表聲明深表遺憾！
若果以而家香港政治環境同陰謀論去睇，呢件事一啲都唔尋常！一個人工高大好前途嘅新聞官竟然無端端突然劈炮補水早走？佢係咪知道咗啲嘢？或者係佢俾人迫走呢？而我哋討論之間又諗起早個月特首辦寫嗰份報告比中央政府外洩，呢個人係咪有位置呢？佢係咪想明哲保身補水即刻走呢？而政府係咪要話比所有人聽，就算你自己補水劈炮離開，你都要死！如果個故事係咁樣就實在恐怖得好緊要！
Comments
香港已變得不一樣
要自殺，就一早去左死，洗鬼補水走！
仲要自殺前簽多一份36個月嘅電話合約？
聽落去實在太唔正常啦 補水辭職通常係想逃離職場先會禁做 終於逃離左不滿既工作然後去自殺？人性上講唔通
如果真係想自殺，唔會補水辭職
辭職都未必係真！可能係「被放假」之後「被自殺」，之後政府改 record 再公告話幾日前辭職，想話俾人知「唔關政府事」！
有人會在自殺前辭職嗎？ 想吾話奇怪都吾得。
或者佢之前返工已經受咗好L多委屈，而屋企人又埋怨佢辭咗分薪工糧準嘅工，所以一時睇唔開？
啱啱尋日先有個朋友生仔，我心嗰句係「唉...生於呢個時候真不幸」
軍政府越黎越黑暗!
岩岩睇緊呢單新聞，就諗緊雲海會唔會有野分享，就見到你出左。👍 宜家香港真系好恐怖。
正路睇，有意思自殺都唔會補水辭咗職先自尋短見，依家要一個人死實在太易
合理懷疑，因為死人先守到秘密😖😖😖
