wanhoisecret
patreon
落實黃色經濟圈
🕑 Added 2020-04-16 04:01:09 +0000 UTC坦白講喺香港要真係實踐每一樣野都幫襯黃色經濟圈其實係好難嘅，尤其是黃色食店，........Errrrrr真係好多都幾難食！但我呢排喺疫症期間，點都要支持呢個經濟圈，所以當朋友個獨立屋要搵室內設計師問我介紹，佢同我都堅持要搵黃色背景設計師，咁我經我老友Zeno介紹，一個深黃室內設計師老闆養住10個夥計，今個星期就接咗個朋友張單啦！
咁琴日我去深水埗買嘢，見到有檔賣寵物用品嘅，有我想買好耐嘅連狗公仔，即刻買咗個！老闆係黃，佢都係幫黃手足代賣公仔！正！
咁由於我屋企係唔能夠冇花！（呢個係我10幾年習慣）咁我近排就搵到間黃花店，今日就訂咗一大束我最鍾意嘅紅玫瑰，老闆娘仲送咗啲禮物比我添！
呢個經濟圈喺香港其實都仲係小眾，但真係要慢慢慢慢建立，起碼係呢個時期唔可以比佢哋執笠！冇理由俾啲藍色仆街睇死！大家都可以一步一步慢慢嚟！
Comments
今日係何李活道經過見到有間鋪賣首飾都有賣連豬連狗 即刻入去買左 老闆娘都好nice👍
大家一同努力💪🏻唔好比政府同藍色嘅仆街睇死
雲海多謝你呀！
大家要努力支持黃店。
呢排屯天元既米豬連黃包經濟圈又攪大批鬥，共產黨鬥人民既威力不可忽視！
這小禮物好靚啊～
"Errrrrr真係好多都幾難食" >> 其實...呢個同意 :( 希望大家一齊進步~!
一定要撐黃店過依家呢個難關，趁呢個疫情篩走d藍店！💪🏼
正！
大家努力 💪💪💪💪
好得意呀 花好靚呀
咁我好彩，我食既黃店好多都幾好食😋
一齊努力
Yeah，大家繼續支持黃色經濟圈
黃店的定義....最緊要係幫手足同路人! 炸兩俠, 你拎住花幅相好靚呀!
支持！💪🏻💪🏻💪🏻💪🏻
大家盡力支持黃店。近來好多藍血或5毛積極入黃谷抹黑黃店搞分化, 證明黃色經濟圈真係影響到佢地。黑警又狂入黃店巡查搞事!
我地大埔好黃，大埔人好多支持黃店。但要一岩一步來
咦⋯⋯佢隔離係唔係深水埗郵政局？
https://m.facebook.com/flowersinw/
深水埗買玩具街前一條街買寵物用品當口冇名㗎
可以公開啲舖頭名比我哋支持吓？
雲海，可唔可以話俾我知隻連狗喺邊度買㗎？
當然！我用雲海名義訂花
花店老闆娘知你係炸兩俠，勁👍🏻
