wanhoisecret
patreon
關於母校舊址發現爆炸裝置嘅跟進
🕑 Added 2020-05-06 03:19:47 +0000 UTC有關我母校聖若瑟英文中學舊址上星期聲稱發現爆炸裝置嘅事情，我仲係要講多兩句！
首先我今朝早打咗三個電話俾PPRP，查詢到底果四位聲稱進入我哋母校舊址進行war game嘅男子，有冇被警方起訴及拘捕擅闖公家建築物呢？咁頭先PPRP正式回覆我「係冇嘅！」點解咁得意嘅？！
第二根據親政府傳媒呢兩日嘅報道，理工大學已經親自否認左相關原材料屬於理工大學本身，即係講到明該原材料物主並非理大所有！咁政府同警務處係咪要出嚟解釋清楚啊？！
第三根據親政府報章星島日報記者聲稱接觸到其中一位打當日war game嘅男子，佢話其實早在上個月喺裏面打war game嘅時候已經發現咗呢個行李箱，聲稱雖然行李箱上左鎖但嘗試喺個縫隙位伸隻手入去攞嘢，結果攞咗條底褲出嚟！呢件事係咪太好笑啊！裝炸彈裝置嘅行李箱擺條底褲？上次打war game見到行李箱唔覺得有問題第二次見到有問題？乜嘢邏輯呢！
成件事成個故事假到爆！唔該你哋唔好再屈啲年輕人做本土恐怖分子啦！死香港納粹政府！
Comments
各位手足，六四年年都有，今年先放係個心度先。等疫情好翻d, 限聚令放寬，721有待再出發。唔好無謂被捉！五大訴求，由黑警開始
可能未必關事，不過彩石里對上小小新建個彩興苑，咁大個屋苑至少，係至少，每5步路一個cam，真係遍布每一個角落。不突止，每棟大廈每一個樓層出升降機又一個cam。 而且通去隔離個屋村部升降機仲要係升降機外面超大個顯示屏播住入面嘅情況，連禁手機打咩密碼都可以睇得一清二楚。同大陸監控系統真有得揮，掙在未係單位門口裝。 再加埋依家同我講彩興里個條街原來有間小學可能係俾解放軍用，兩件事連埋一齊，我依家覺得個到危機四伏。
