wanhoisecret
patreon
拜祭手足時的聯想
🕑 Added 2020-04-26 07:33:45 +0000 UTC昨天講到，在沙嶺墳場找尋手足位置並不容易，一來被整個政府地盤劃開了，二來原有心人在地上寫的大字已被洗掉！
最終我哋都搵到真正嘅位置，即係2020年及2019年公墓區！咁我之前一晚已經買咗一大束無忘我，剪起咗大量嘅花頭，諗住每塊石碑放一朵花頭，都有超過200朵㗎！但當我每個前面放一對花頭先至發覺原來數目比我想像中更多咁我就要將花頭再拆細再分，就更加令我覺得2019年同2020年不尋常嘅冇人認領屍體情況，就係令人懷疑當中有幾多係政府、黑警殺害㗎呢？！（可能數字會記錯唔好意思，2020年三個月已經有成119個、2019年有大約165個！）而之前有區議員同黃絲喺現場放嘅花同埋黃色帽，據我了解已經因為黑警投訴叫食環署清理晒！（仆你個街拜山都唔准！）而我發覺有部份嘅鼻頭係擺咗自由神像公仔，明顯大部份都俾人清理咗！而且有啲石碑前面嘅香燭只係燒到一半就停止，好多師傅都會形容呢樣嘢係相關人士收唔到！（坊間已經好多人討論對家有人派師傅去阻止亡魂怨靈收嘢甚至被囚禁！）
但我同相關人士喺現場反而諗起另一樣嘢：因為無意中發覺係2019年上邊係存在大量2014年嘅無名屍體石碑！吓？我當時諗點解咁奇怪一五至一七近乎冇（或者好少現場見唔到）2014年我就八卦逐塊去數，竟然多達270幾個無人認領死者？！咁我大膽假設若果原來呢啲秘密殺害市民嘅情況早係佔中時期已經出現，而當時及後五年根本冇香港人會留意、關注甚至相信，所以更加令到呢兩年佢哋肆無忌憚鍾意殺邊個鍾意埋葬邊個都冇顧忌！若果情況真係我哋聯想咁樣真係太過恐怖！當然依家要搵2014年嘅證據相當困難，但我都會試一試！同行人士同我講，希望第日呢場革命真係成功，我哋可以重新幫呢班人立過新碑！
Comments
雲海每塊石碑放一朵花頭好有心... πーπ
好傷感
對家係阻止唔到，靈魂係自由，信念係不死。對家邪惡之念必受報應！願亡靈安息🙏
我2星期前買咗幾扎香，去到發現係完全唔夠，裝香嘅時候都發現有D淨低嘅香係燒到一半停咗 無論下葬嘅係邊個，個情景都令人好心痛
Brian Chui
仲未計送咗返大陸整死咗嗰啲
（坊間已經好多人討論對家有人派師傅去阻止亡魂怨靈收嘢甚至被囚禁！）--丘品 J 師傳話唔會有這種事的
唔怕！有政府！唔驚！ 只要研讀 洗頸瓶乜7理論 7749日.... （曲線，不過我已經笑唔出）
政府容許黑警“事無忌大”！ 與納歲德軍無異！ 最近睇，《鄧小平理論》。共產黨從無想過俾民主俾香港及台灣。一國兩制只係權宜之計，如意算盤。共產黨覺得自己過了30-50年，就可以用經濟控制香港及台灣。 共產黨惡到，連英國都怕咗佢。 香港要獨立才有希望！
Kat
極度心痛😭
心痛
對家師傅唔怕絕子絕孫！
119+165+270=554😭😭😭
