wanhoisecret
patreon
當年我教派果代嘅年青理想勇氣已蕩然無存！
🕑 Added 2020-05-19 01:35:36 +0000 UTC關於早兩日講同啲細嘅去睇數碼暴龍，原來係講述佢哋成長面對必經嘅放棄同現實過程，其實我睇戲嘅時候諗返起我90年代初喺我個「異端教會」COC一啲回憶！
話說當時喺裏面做基督徒嘅人，可以話肯定100%係反共嘅，而且大家都有個共同願望：就係他日我哋會返中國大陸去傳到用唔同嘅方法去改變中國政權。呢個係當時真係從來都冇異議嘅思想，教會甚至為咗培育呢種反共潛伏大陸嘅思維，會為我哋青少年安排所謂嘅「龍之旅」嘅旅行，準備好他日潛伏大陸嘅行徑做好心理準備！
但係九七年之後雖然我已經唔係嗰間教會嘅教徒，咁你睇住嗰啲仲喺教會裏邊嘅所謂基督徒走樣變晒！首先有好大量嘅人都唔願意返大陸生活傳道，佢哋曾經講過解釋係：香港回歸咗中國，咁喺香港生活就係喺中國生活啦，唔一定要返大陸㗎 ！甚至當時個教主突然間話返美國生活啦！吓！一切就好似自打嘴巴一樣！
但最令我頂唔順嘅係：過去呢10幾年，我真係見到好多好多好多仲係喺嗰間教會嘅人竟然會180度轉變，開始親共親大陸！其中包括有個當年同我講到實牙實齒要返大陸傳到改變中國政府嘅人而家結咗婚有仔女，幾年前喺Facebook仲見到佢迫個仔女係十一國慶現場直播，向解放軍敬禮！仲影相留念！真係痴撚線！我最終真係頂唔順，unfriend 埋！仲有好多好多仲喺嗰個教派裏面嘅人竟然係藍絲，甚至深藍！原來成長過程真係好現實㗎！我哋青年時期所有嘅夢想所有嘅承諾所有嘅理想原來逐步逐步仔成長過程之中消失甚至變成相反！可能我第時應該拍套戲叫「數碼暴政」！
Ps再提醒返啲人，我1995年就離開咗呢個教派㗎啦！
Comments
哈哈係喎，《1984》個故事其實都係「數碼暴政」
有好多無性格嘅人，只會向權力大個邊拜服。
可能佢哋真係諗住要潛伏所以「扮」藍絲呢...🙃
希望佢地早日親自向主耶穌交代，大家請為此懇切祈禱🙏🏼
我大約是04年返過COC。果陣已經無雲海返果陣咁高要求!但最後我同查經班個領袖嘈左鑊。最後連帶我返果位朋友仲俾個領袖下令唔可以再聯絡，逐漸連聯絡都無埋。（不過老實講，信徒果班真係非常好人。）
我肯定你唔識我！可能係離開的先後次序問題！
咁你應該同我同期個喎！你中文名係咩啊我應該識你個喎
我18歲時返 HKCOC ，約20歲比bible talk leader 迫加鬧而走，現在49了！當年我走時真的花了不少時間去調整心態適應新生活。但回想我真心感激當時搞走的bible talk leader .
因為被召的人多，選上的人少。
現實如是，唉！
究竟係佢變咗定係你變咗？！ 或者係佢變咗而你冇變？！ 又或者佢變咗你又變咗呢？！ 總結教會變左！
