wanhoisecret
patreon
關於燒炭自殺吐血問題
🕑 Added 2020-05-24 02:04:05 +0000 UTC前日我個蘋果日報老友突然間問我：「你覺得急救咗一個燒炭的人會唔會吐血？」呢個問題當然就係針對着早幾日港鐵嗰位公關經理郭小姐燒炭自殺身亡嗰件事！呢個前無線主播聲稱被情所困所以做傻事，但由於新聞相片顯示佢急救過程出現吐血情況，令到好多網民有陰謀論，到底燒炭自殺死咗嘅人可唔可以能吐血呢？網民就有其他嘅想法！咁我就答我老友：「有時急救可能會大力得滯都會傷及胸肺，吐血都唔奇我認為。因為有朋友係做急救，佢話復甦心臟急救有時真係會整斷人條立骨插入肺，而且都唔係罕見！」
但記者老友又提出：「不過高溫灼傷及無換氣致器官衰竭，可以吐血嗎？」於是乎關於這個情況我就直接問咗個我認識現職係救護員嘅朋友心臟復甦法會唔會令人吐血，佢就咁樣答我：「有，自從改用自動打樁機後，就經常出現以上情況，大家懷疑部機打得太深致肺出血，試過有人去到R房後，醫生話部機唔啱位，打爆肝出血，有師兄弟都試過幾次，打樁咗十分八分鐘後，就出現吐血情況，但我地唔肯定個主播吐血有冇可疑！」
首先我同記者都好震驚點解原來依家有個咁嘅打樁機經常導致吐血都繼續用呢？！第二原來現職救護員之間有討論過呢位主播燒炭自殺吐血都係有啲唔尋常，大家都抱有懷疑嘅心態！咁呢樣野我就真係估唔到。
不過我同記者都表示其實我哋都因為之前同港鐵經常交手，係曾經接觸過呢位郭小姐，無論如何佢離開都叫做可惜，真心希望佢唔係被自殺啦！
Comments
記得之前上急救班時個導師講過，因為做心外壓其實都要壓到幾深吓，有機會會令胸骨骨折，尤其老人家更易，但點解明知會令佢受傷都要做心外壓呢？因為係死亡同受傷之間要揀嘅話，受傷點都好過死亡，至少之後有機會醫返好。但當然，個自動打𢰦機，有好大進步空間
知道咗呢種急救過程同儀器問題， 都覺得好震驚、好恐怖
部自動打𢰦機想用嚟救人定殺人?明知會傷內臟都用?
雲海 你客觀持平好多。
系唔系被自殺都好可惜，R.I.P. 希望831早日真相大白
