wanhoisecret
patreon
大公司縮數政策
🕑 Added 2020-06-01 00:50:00 +0000 UTC昨天跟一間大企業員工傾開計，佢就好不滿自己嘅管理層過去半年做咗啲好縮數嘅行為。首先佢表達諗唔到原來今時今日，仲有公司係會認為盡量都唔會請女性員工，美其名唔係歧視，話因為女人最終都會拍拖結婚生仔而離開佢個職位，會浪費之前嘅培訓！痴撚線，呢個真係咩年代！最恐怖係管理層半年前開始炒晒啲女員工就不斷請一啲真係十幾二十歲嘅毒男返工，原因係乜？就係因為佢哋唔會拍拖唔會識女仔甚至應該唔會結到婚，冇晒呢啲因素影響叫佢留喺公司開夜班OT冇問題冇托手踭，仲要長期可以留喺公司等等，但係個員工同我講，不過呢啲毒男本身性格有嚴重障礙，所以同其他員工溝通出現嚴重問題甚至工作上都出現嚴重過失，但係管理層都認為自己係冇做錯！我聽完簡直不能相信！而且我不能相信呢個大企業咁樣諗嘢，當然我唔可以話比大家聽呢間係咩公司，否則你哋會跌晒眼鏡！
Comments
但係請D妙齡少女叫其他部們做野, D 麻甩佬/仔做野好爽手!
咁嘅所謂大公司，一定無前途
佢嘅行為唔合理，鬧佢不構成歧視。 之前我有泵過奶，就當佢唔夠奶，要泵30分鐘。 （可以一路泵，一路做野） 但洗吹要搞1.5小時，分明係玩野。 洗完，可以等佢慢慢乾，唔駛吹啊！？用2/3套gears.
我唔係贊成雲海所講個間公司做法，只係發洩一下，係有咁既人，將著數攞盡，所有野老奉
我公司而家有個生完幾個月，每日要泵兩次人奶，每次個半鐘，每次都要洗埋器具，吹乾，足足2個鐘，咁即一日4個鐘，加埋食飯1個鐘，每日有5個鐘唔係位，準時6點走人。冇人敢出聲架，邊個出聲就邊個歧視，唔體諒唔包容，好撚大罪架。
生完仔離職唔係最大損失，有d 生完仔冇心工作，一日到黑打電話管住個仔同菲傭，一係開住電話睇住屋企個web cam，驚死人毒打佢個仔，餵屎俾佢食，但又唔願意返去做家庭主婦，點解？冇人工丫嘛？呢d咪仲大鑊？
有d 老細都係咁諗, interview 個陣問你有無拍拖
真係好似形容緊啲IT狗
膠層…hehe
仇女科技公司
Brian
似係d電訊科技大企業🙊
公司性質或類別可以講嗎？
算唔算係岐視緊毒男？講起唔拍拖唔結婚生仔，我諗起..
其實有公司唔請生育年齡女性都唔係第一日既事，亦都唔係得香港有，之前睇過外國對呢個問題嘅報導 ...
如果係自由競爭，遲早蝕死。
大公司膠層要轉工好多時都係轉去另一間大公司，眾多大公司膠層來來去去都係嗰班友，塘水滾塘魚。佢哋啲 mindset 一脈相承，其他大公司都唔好得幾多。
EC
比D 提示
大企業啲人先壞腦呀XD
Frontline 定後勤員工？
