wanhoisecret
patreon
另類食藥的奇妙故事
🕑 Added 2020-06-01 13:40:47 +0000 UTC上次因疫情高峰，只取藥，沒見醫生，今日下午終於復診！而且見證一件有趣事，一定要分享，可能幫到人！
話說自從中風後要控制血壓，但一直食住兩隻血壓藥也高，上年六月加多了一粒，最初有效，但之後半年之社會活動令我壓力好大，血壓又打回原形！
但我不想再加藥，點算！
於是這半年不斷自我減壓，另外我二月聽英國BBC節目，講到有醫生做了個實驗，將一批病人服用血壓藥的時間由日頭改為夜晚，一段時間後有明顯改善！
我就膽粗粗自己改了服藥時間，一粒去水血壓藥仍然午餐食，其他兩隻晚餐食！最初兩星期沒有太多改變，但堅持了三個月，近月效果係好明顯，上下壓都靚曬！
今日同醫生講曬成個故事，醫生話完全冇問題，可以用我這方法繼續服藥！多謝BBC！
Comments
我食咗3個半月1粒，血壓都係高，早2星期加咗半粒，叫做落返少少，呢個方法好值得參考，多謝分享🙏🏼💪🏼
咁量血壓嘅時間係唔係應該轉為夜晚食藥前呢？
我都係早上食血壓藥，自己每日check都係下壓唔太靚，上壓就冇問題。但次次見覆診就都比自己check嘅高，唔知呢個方法對我有冇效呢？！
太好了。祝身體健康
多謝雲海分享。 希望你情況一路改善。
我都食緊血壓葯，早一粒，晚半粒。但有時血壓都會高，起身度上壓會去到138至140，通常果日食得太咸太重味，飲得水少，或當晚吾夠瞓第二朝上壓都有機會高！
多謝雲海做一個真人試驗。 可以幫到其他人
我老豆有心臟血壓糖尿問題, 每次返政府醫院覆診都攞好多藥, 但效果都未如理想, 有次朋友介紹我哋去睇一位心臟科醫生, 佢睇過啲藥認為有更好嘅藥去代替唔需要食咁多, 佢話政府醫院資源問題有好多好嘅藥佢哋係唔方便採用, 因為佢知我爸爸係唔捨得睇私家醫生, 所以就重新制定一套藥畀我爸爸, 寫醫生紙畀佢返政府醫院覆診嘅時建議以用佢呢套藥代替, 政府醫院醫生就根據佢呢套藥開畀我爸爸, 有部分唔能夠開嘅藥我哋就出外面買, 之後佢嘅情況比較穩定! 我自己都試過轉醫生換第二隻血壓藥效果比以前好好多, 建議你都可以考慮睇多一個醫生攞意見.
雲海, 試食BENECOL乳酸飲品呀, 應有用
我以為應該朝頭早食最好添
2連數天使數字，意思係平衡、適應、成功呀！
已改
雲海,你張身份證無遮好呀
我都係深夜先食喎😆
