wanhoisecret
patreon
腦電波干擾！
🕑 Added 2020-05-25 01:53:21 +0000 UTC想分享個小故事，話說尋日中午快快去大快活買個飯盒，因為太多工作要做；好像下午的社會運動若有情況出現就要處理、正在撰寫壹週刊專欄（獨家訪問了母親節當日拍攝黑警對付記者全程畫面的攝影記者）、趕着寫書展的鬼故書.......！忙到嘔茄所以諗住快快食個飯就做嘢！
咁去到大快活睇吓個水牌，打算食咖喱飯，但水牌上邊冇我想食嘅咖喱魚飯，只係有咖喱牛腩同咖喱雞，咁我就喺櫃檯叫咗個咖喱雞飯外賣，而張單都係清清楚楚出咖喱雞飯字樣！咁我去到廚房櫃檯等，就睇住個經理準備用咪叫入廚房之際，我心諗：「有咖喱魚就好啦！」點知個經理真係對住個咪嗌「咖喱魚飯行街」！吓！？？？
到個廚房真係整咗盒咖喱魚飯出嚟，反而前台個夥計發現唔妥話咖喱雞喎！我就衝前話冇問題我食咖喱魚！
首先我係冇特異功能嘅人嚟㗎！但係有時我會覺得腦電波係會影響另一個人，當我腦電波不斷發放訊息想要咖喱魚，對方都會被影響到，好奇怪呀！成件事都幾無聊㗎，想分享吓姐！
Comments
我信架，所以我心不斷詛咒黑警，大家一齊試吓
同你上星期四見到星期六爆炸新聞一樣！
村上春樹都喺佢啲書度都分享過類似經歷。
見係你咋。
Ah Shun
落台。
快去望住天安門諗嘢啦！
等～鬼故
都有發生係我身上 😂😂😂😁 如果諗、諗、諗、諗到香港獨立，咁就好啦！
我都日日諗羅湖橋以北個政權早日收皮，可惜唔夠力…
Vincent Cheuk Yin Lam
雲海係外星人鐵證
有冇順便諗吓D廢X政權快D收皮！
有咁咁好運呀， 哈哈
同巴西單嘢有冇關係？
雲海想食咖喱魚飯嘅意念真係好強烈
個阿姐無打錯飛，廚房無整錯，係你意識改變左個現實
Matrix ~~ 只要意念夠係可以改變世界，大家都係活在係一個電子世界中
好似LUCY套戲咁，開發腦部潛能，可以用念力！
我都係好鍾意咖喱魚飯, 食落口感覺冇咁heavy (只係感覺)
下次你腦諗住雙併（魚+雞），又睇吓會唔會出現。
今朝食完炸魚做早餐就見到你呢個post....XD
😂張寶勝上身？
神奇😆
共時現象，你專心諗緊寫稿時，腦電波入咗 alpha 波，經理又接通咗
共時
個訪問到琴晚半夜12點寫完，大家請留意壹週刊我嘅專欄
Mark six 唔知得唔得😂😂
