wanhoisecret
patreon
尋晚食蘇聯餐廳
🕑 Added 2020-06-17 02:28:22 +0000 UTC由於尋晚有黃店酒吧新開張諗住去探下班，之前就帶咗兩個手足請佢哋去食飯，喺呢度要介紹吓！
間餐廳叫做「東歐餐廳Ivan The Kozak」，話說我係十幾年前去幫襯呢間餐廳，係我眼中其實係蘇聯餐廳，並唔係東歐餐廳，佢哋用東歐呢個字都係方便香港人嘅啫。當年去食呢間餐廳，係朋友介紹認識老闆Ivan，仲同佢吹咗好耐水，當時我所知道嘅係Ivan老婆係烏克蘭人，所以煮嘅嘢真實係烏克蘭菜！而當時有一味串燒半肥瘦豬肉，係好食到震，我話同我去亞美尼亞食嘅係一樣咁好食，佢先話俾我聽做呢一碟餸嘅就係來自一個亞美尼亞嘅廚師，不過好快就會離開香港唔做！好可惜！ Ivan仲要好熱情咁帶我去參觀當時佢最出名嘅餐廳凍房，仲免費請我哋飲咗兩杯Vodka ！
後來就因為佢哋搬咗地址，我就一直都冇再係佢新鋪食過嘢！直到琴晚我一早訂咗位，去到都見到係全場滿座，另一個去食嘅原因就係原來依家佢係黃店，除咗好多文宣之外，仲掛咗烏克蘭革命時期嘅旗幟，好有心！
重新試咗佢嘅烏克蘭齋羅宋湯，好好飲！叫咗我最喜歡嘅基庫雞（中文餐牌唔係咁寫）好好食！Vodka 火燒豬肉骨！好好食！兩個細嘅叫咗烏克蘭會牛仔肉，佢哋都話好好食，我當然仲要叫埋一尊波羅的海啤酒Royal Baltic Porter 嘆番晚！超級好食！
新餐廳地址係中環雲咸街，琴晚見唔到Ivan，亦見唔到佢老婆，但係見到個流利廣東話嘅鬼仔侍應同鬼妹侍應，我有諗過係咪佢啲親戚同埋仔女？！
都係果句啦，食黃店仲要好食！尋晚真係滿足到暈！兩個手足都食得好開心！
Ps佢啲炸薯片真係用新鮮薯仔切片炸
Comments
佢哋有一道菜，唔係main course，無咩人提過，但就估佢唔到咁好食，就係 薯餅！我次次同唔同嘅朋友去食都指定要食薯餅，仲要食兩件！
我book咗9月去（9月先有位！！）
我都有幫襯過，老闆ivan好nice好好傾，都有請我飲幾杯vodka，好似話係喺當地入貨，你唔見佢可能佢地返左烏克蘭，佢地年年返去
Ivan Chan
陰音濕濕有介紹過，野食的確正
好多年前你介紹過佢哋嘅基輔雞好食，我第二日已經走去食😋
流利廣東話既年輕男女係老闆一對仔女，杜汶澤yellopenrice 介紹過
呢間佢未搬都已經幫襯開，d野食又特別又好食，我一直都同人介紹呢間係食烏克蘭菜 我幾中意佢的蘋果鴨胸😍
真的要試試
呢間食過，絶對可以再幫襯
一定要支持啦！
Tang King Fai
嘩!!! 好吸引!
Ruth Chatburn
見到圖都想食喇。6，7年前同以前同事食過，真係好好食㗎！
哩間我超愛，佢未搬去哩度前已經好鐘意！😍😋
基庫雞真係好食
佢最好食真係個炸薯片！
鬼妹靚女係佢地個女！ 呢間之前好似陰音濕濕已經聽你推介過，個基輔雞真係正到爆，諗起都想食
烏克蘭咪蘇聯一部份囉
之前杜汶澤個 yellopenrice channel 介紹個，老闆係烏克蘭母女，好似開咗過十年。佢哋唔鍾意畀人話係俄羅斯，因為 Winter on Fire.
正呀～ 😋 呢間 其實係 烏克蘭🇺🇦 餐廳，不過烏克蘭🇺🇦 菜 同文化 都好接近 俄羅斯🇷🇺，所以都好 蘇聯 😄 我上次去已經係 閣麟街 舊舖 ，同國王你一樣😅 烏克蘭雞卷 都 好好食㗎 😋
正喎！邊間？ 睇到好想再去俄羅斯😭
Minatsuki
你係咪想講東歐餐廳？
