wanhoisecret
patreon
一個中央繼續放毒的陰謀論（我收到神秘郵包）
🕑 Added 2020-06-23 02:52:52 +0000 UTC話說上星期四，收到一個直接寄到家中的小包裹，罕有，因為絕大部份信件會寄郵政局郵箱！我不敢打開，因為怕是炸彈，我問老左：「你有收到這種包裏嗎？！」老左：「收到呀！」好了！應該不是炸彈！加上他已拆開，無爆炸！安全！一打開，是我們左派組織同鄉會寄給我們理事的，當中有兩包藥及一封信，信內容大致是講述因為肺炎疫症，大陸政府給我們寄來的醫治藥物！而那是什麼藥？聽也未聽過！一看藥盒.....哦！石家莊生產的！石家莊專出假....不對，專出官藥！要知道當年1988年國務院邀請我到過當地，就是被安排參觀石家莊國家製藥廠！但收到這兩盒藥還是感到不尋常！首先，香港疫症到尾聲才寄來？第二，大陸繞過香港政府派藥給我們？第三，大陸有目標性派發嗎？
我之後跟一個公務員線人M君談論起這事，M卻聯想到一個大陰謀論，當然大家可以當故仔睇就算！
M就懷疑，北京確實決定同香港一齊終極攬炒，國安法已經小事，而係將會第二波落香港放病毒！M甚至認為第二波嘅病毒係新病毒，可能已經唔係武漢肺炎病毒！咁北京就已經預先製造左一批解藥，只係會寄俾特定嘅人選，例如一啲左派組織嘅人，之後製造大量香港平民感染新病毒，死嘅死病嘅病，最終目的可能都係直接派人員落香港管治之類！
加上呢次係石家莊藥廠製藥，解放軍陸軍基地就係石家莊，可能已經比軍人試晒藥！當然M問知唔知收到藥嘅係咪只係理事？同埋知唔知其他左派組織有冇收到藥？若果只係左派組織管理層有藥收會員冇藥收，其他左派組織都係咁嘅話， M就好相信呢個係陰謀！
咁我作為常務理事，我琴日上咗去同鄉會睇一睇，見到兩箱大陸寄過嚟嘅特效藥，都指明只係寄俾我哋理事用，會員冇份，而其他左派組織我仲打聽緊！下一步我應該會攞啲藥去化驗！
若果呢個陰謀論故事係真嘅話，嘩！國家對我好好喎，仲未想我死！😂😂😂😂😂😂😂
Ps藥物寄自河北海外聯誼會，就係隸屬於中央統戰部！
Comments
隔左兩個星期就第三波爆發，成件事相當有嫌疑喎
可能陽痿
Parramatta Pangbourne
竟然係呢隻？我老豆早排塞左盒比我，我已經唔記得隨手掉咗去邊😂
屆銀紙都有得賣啦https://www.watsons.com.hk/product-yiling/yiling-lianhua-qingwen-jiaonang/p/BP_252945
咪玩LA，都講左「下一步我應該會攞啲藥去化驗」，佢點會食入口。 會亂食藥GE雲海就唔係我地識GE雲海LA。
朋友話身體虛弱嘅千萬咪食呢隻嘢，會即刻暈低！
雲海，你諗唔諗住食？
就算有真野都唔會派落香港啦，要死咁半香港人都唔需要地方勢力既協助，況且都唔係狄士尼既人
我以前喺大陸食過，好野黎！
Zeus Cho
好似都係呢隻
之前新聞有報過中國註外國領事館有派呢隻蓮花淸瘟膠囊比住響國外的小粉紅
會唔會最尾驗到係壯陽藥
我忽然諗起，之前有人預言今年12月會有一種比武肺更勁既病會出現，唔知有無關係呢🤔
一款「蓮花清瘟」藥品大肆出口歐洲，稱能有效武漢肺炎輕症患者，瑞典政府對此檢驗藥品成分，並做出結論：「根本沒有用」。
起俄羅斯既中國留學生，4月既時候都收到中國比佢地既「健康包」，內容包括3個口罩﹑防流感中藥香囊﹑防疫畫冊﹑關懷信 以及 2盒蓮花清瘟膠囊。 估計其他地方既留學生都會收到(其實係收到通知去指定地點拎取)
不知道！
呢隻藥係咪之前寄去話幫助荷蘭抗疫俾人打回頭果隻？
呢位線人M係咪即係收埋咗好多軍糧的公務員?
個盒係咁寫, 裏面的藥未必一樣呢......
剛剛問咗我媽，佢話係社區中心團購，另外華潤堂有得賣，佢以藍屍身份試咗藥🙈，繁體版暫時冇事😝🤣
鍾南山等人發表題為《連花清瘟對新型冠狀病毒具有抗病毒、抗炎作用》「Lianhuaqingwen exerts anti-viral and anti-inflammatory activity against novel coronavirus (SARS-CoV-2)」的論文，已被《藥理學研究》期刊(Pharmacological Research)接收。https://www.sciencedirect.com/science/article/pii/S104366182030743X?via%3Dihub
為國捐軀呢！
呢隻‘蓮花淸瘟膠囊’，早排我媽俾咗兩盒我，不過係繁體字版，佢話係好嘢🤔
Hagrid
其實我好疑問有沒可能製造一種病毒而沒其他科學家可以製造解藥，如果沒一個科學家可以製造解藥，咁製造呢種病毒嘅科學家自己都未必有解藥吧？
突然間好想搵啲藍屍試藥！
嘩⋯唔知有無同鄉身先士卒食咗呢
