wanhoisecret
patreon
跑馬地點心舖頭終結
🕑 Added 2020-06-24 01:11:41 +0000 UTC由於我對跑馬地極度不熟悉，所以一生人極少會喺當地食飯。但琴日中午就特登約咗幾個朋友一齊入去跑馬地，仲要特登使當地好出名嘅點心！
呢間食點心嘅舖頭叫譽滿坊，已經喺當地28年，去食係因為有個朋友嘅媽媽就係裏面做點心師傅已經15年！而且聽聞啲點心真係冇得頂，咁尋日中午1:00去食，真係坦白講好食到震，不過價錢就相對貴啲啲！朋友媽媽仲特登請我哋食雞粒酥，呢個點心我從來未食過，但係好鬼好食！
最慘係食過呢啲點心，又真係返唔到轉頭，我同朋友媽媽講以後只可以上你屋企食啦！不過佢都話有啲點心自己屋企都已經冇辦法做！
譽滿坊開到今日下晝五點就結業，或者你哋可以臨尾試吓！加上佢哋嘅裝修係充滿懷舊氣息，聽日都會全部被拆毁！可惜可惜！
Comments
太貴啦！ 附近又唔係無其他野食，仲要平好多，出面嘅人都唔會入火跑馬地（唔就腳）。停車街位又唔係多。 加上，香港食嘅點心大部分都係大陸做。唔講好唔好食，但成本一定平（因為大量生產）。做點心係心機+辛苦+時間長。 不符香港合快靚正嘅經濟效益。 去美國、加拿大開就差不多。 ---- 跑馬地係Cinderella。過12點後無車入，要坐的士。想羅曼d，咪由銅鑼灣行入去。講真，我都係食過一次←←（個人意見😂😂，完）
貴架！四個人中午要成千五蚊
呢間真係好貴，所以好難有朋友肯一齊去食 個灌湯餃都要成百幾蚊😅
數數下，原來都已經幾個月冇過海🙄
Zeus Cho
又少一間唔係廠整既點心，唉。
淨係籠雞紮都見真章啦
咁出名都要執.....................
好可惜 :( 如果一早知道有這間舖就好
