wanhoisecret
patreon
關於尋日目標射記者嘅情況
🕑 Added 2020-07-02 02:09:15 +0000 UTC尋日對於我最主要嘅工作，就係mon住手上面大概七個年輕記者嘅位置、會唔會被拘捕、會唔會被無理消失......等等！當中有大傳媒嘅記者，亦有獨立媒體嘅前線記者，真係大家各自爬山，做自己嘅嘢！
咁就想同大家講琴日兩件事，一件比較好笑一件比較慘情！講件好笑先啦，一位前線攝影記者， 20幾歲，真係心口有個勇字嗰隻，佢為求要影到真實嘅畫面，有咁前走咁前！但過去嘅經驗話俾佢知，佢屋企人俾佢貼喺手機嗰度符，可能氣場實在太勁，當佢想靠近水炮車、靠近速龍、靠近防暴胡椒噴霧陣，一個轉身就會消失晒，從來都中唔到任何野，佢唔怕中招，只係怕影唔到靚相！咁琴日喺採訪途中，已經喺電話度發晒火，因為佢三次沖去想影水跑車，就會唔知點解水炮車急速u turn駛離現場唔見咗！😂😂😂😂佢發忟陣！
另一邊廂，我下午就收到一個主流傳媒嘅記者及攝影記者緊急電話，話自己直接比水炮車擊中兩人已經全身濕透疼痛，問我係咪有安排清洗嘅地方，我就話有，喺邊個位置直接上去有人有照應......呢啲前線記者瀨咗嘢係搵我唔係搵佢上司囉！到佢夜晚做晒野之後，我就詳細問清楚，佢話明顯地水炮車係完全針對記者直接開水射！當時攝影師已經全身被射中，他醒目轉頭，但有頭髮耳仔身腳全部濕透！佢話當時其實佢已經不斷流鼻血， F A前來幫佢，咁我就擔心佢會唔會催淚水入咗耳仔再通過去鼻哥引發流鼻血呢？我提議佢去醫院照一照，不過年輕人都係固執堅持唔去，咁我都無謂逼佢啦！下晝有地方俾佢冲身休息吓都算係咁！尋日總括現場大部份記者嘅說法，黑警依然係全盤針對記者去發射水炮車胡椒噴霧等等！肆無忌憚，納粹行為！
Comments
好想知黑警要惡到幾時? 報應真的有嗎? 只知好人早死, 惡人就肚滿腸肥
班仆街一定有報應
就係傳媒記者令香港發光發熱，同時都係香港最後一道曙光，點都要撐住同時要保護好自己😢
有符嗰位可以求多幾道符俾其他記者嗎？
度符係邊杜求要公開，為D前線手足求多幾張。……
香港每位記者都係勇士，感謝雲海大哥仗義幫忙。大家一齊捱過黑暗日子，迎接自由公義世界。 天滅中共
謝謝雲海哥哥同埋前線記者同FA🙏🏻🙏🏻🙏🏻
多謝各位（記者們、怪哥哥）無私奉獻。
多謝雲海幫忙協助，多謝各位前線記者報道真相
押韻。而且「鮮血滿手」意思亦一樣
😡😡昨日睇到針對射記者真係好嬲，射到訓低個個真係唔知有冇其他身體受損
請饒恕我挑剔，點解唔係寫「滿手鮮血」⋯？ （中文唔好，比對家多個位唱⋯）
點解你講到好似幫警察講緊嘢咁
人心比walking dead 黑暗恐佈何上萬倍。希望傷者早日好返。
多謝有班甘無私既記者😘我地先可以睇到真相👍👍
仆街！冇個好人！
