wanhoisecret
patreon
電影「孤城涙」影評
🕑 Added 2020-07-10 02:28:35 +0000 UTC話說早個月電影公司問我睇唔睇「孤城涙」優先場，我話唔睇啦，因為我以為係孤星淚啲friend，加上係法國片，有時唔係太合何車！
但近月不斷聽到人話好評如潮，先發現原來套戲係講現代法國，同埋有少少似香港現況，即係警暴濫權，咁我就買飛入場睇啦！
好坦白講，係咪真係拍得咁好呢，都有啲保留。不過係突顯左法國民族之間嘅矛盾，警民之間嘅矛盾，天下烏鴉一樣黑㗎，但係起碼我見到電影之中法國警察都會驚有人拍低自己嘅罪行，香港真係幾十個鏡頭對住你，黑警都係完全唔會理，打你就打你、攻擊記者嘅攻擊記者！個分別係人哋始終係一個民選社會政府，香港始終係一個冇得選擇政府嘅極權社會！
所以每次聽到柒娥話西方國家全部都有國安法㗎喇你地怕咩？真係無知到一個點，西方國家係有國安法，但係西方國家嘅政府係人民用選票一人一票選出嚟嘅，你濫用下一屆就可以推你落台，香港呢？
Comments
我睇嗰場時，黑警無端端打爛女學生嘅手機嗰度在場有人爆粗，跟住全場跟住笑
要搵共通點實搵到嘅....btw，我都覺得套戲有d悶，係臨尾先好睇d🙈
法國佬特色就係口水多過茶，自幼受思辨訓練，任何時候都鍾意débat一番。法國當代電影一大特色，就係係咁講嘢。係法國讀電影時教授都話，法國當代電影嘅元素就係，一間房，一男一女，然後佢哋係咁講嘢，咁就拍到部藝術電影啦。相反，比較有故事性講畫面效果嘅電影就會畀人話呢啲係films au grand public（大眾電影）隱含一種思想層次唔夠高嘅貶意。
西方國家係國安法, 香港係黨安法
法國片就係說話太多，本身又唔識法文咁先慘
前半part其實都幾悶下 仲要講左好耐都講到重點 不過最尾個火魔好想佢扔落去呀😫
