wanhoisecret
patreon
蘇施黃的靈異事件
🕑 Added 2020-07-13 09:59:46 +0000 UTC話說今朝早一早去睇電影試片，之後中午我老友蘇施黃特登過嚟車我去食今年第一餐生日飯！仲要係我最愛嘅Murray hotel 食lunch！我同佢一吹就吹左四個鐘頭水！期間我就同佢講起福島旅行嘅時候撞鬼事件！
當蘇施黃聽完我講之後，佢就同我講早個月佢喺中環一個有錢佬嘅私人博物館參觀（其實我好想見識吓）關於唔少聖經文物，包括有啲聖人嘅骸骨等等！現場工作人員俾佢問檀香味道，佢係一啲都聞唔到，其他朋友就全部都聞到，當參觀文物嘅時候佢話簡直頭暈到一個地步係企唔到，咁博物館管理人員叫佢出去花園坐下，並且話呢度啲能量係經常好大，到後來參觀完叫各位人士喺紀念冊簽名，阿蘇話佢一拎起支筆直情頭暈都要暈低，當日返到屋企佢就直情攰到昏迷咗超過二十四小時，佢即刻搵個朋友叫師傅嚟睇睇，師傅都認為佢係個博物館內撞到唔乾淨野！
當然撞到基督教文物唔乾淨嘢都幾大矛盾，不過靈界事件又係冇辦法可以合理解釋晒嘅！
Comments
生日快樂 其實私人博物館, 無做PROTECTION, 又多固物, 梗有朋友去留連忘返, 佢可能一開始己比朋友看上, 正呀, 能量好正呀, 係咁痴住, 如識, 去呢D地方時做下PROTECTION咯
好既能量係會令你更精神, 反之要吸你能量令你越來越虛弱
Happy birthday
可能佢遇到過去的寃親債主，我自己試過有一年去銅鑼灣佛教黃鳯翎中學附薦位啲堂，本來一直無事，但當行到其中一個堂時，突然頭好暈，好似有嘢壓住咁，但當我離開咗嗰個堂時，就乜事都無，我當時問法師，佢係咁答我！
生日快樂！
原來佢黃既咩？
我都想知
Vertigo or loss of balance can be a symptom of transient ischemic attack (also called mini stroke), which may develop into cerebral infarction later. Take care.
無左臭覺似中左肺炎多D喎...
聖經裡，耶穌都有趕鬼（路8：27） 只係大多數人 覺得基督徒，就不可信鬼。（以前我係咁覺得 Lol)
蘇施黃唔係耶教徒咩？🤔
其實能量強勁會唔會就係個d聖人嘅能量呢？只係我哋一向都籠統叫做「唔乾淨嘅嘢」
邊個有錢得嚟咁有品味？🤔🤫
