wanhoisecret
patreon
炸兩日常
🕑 Added 2020-07-21 13:47:51 +0000 UTC好多人都知道其實炸兩俠從來都冇退休過！咁我知道政府部門好多都WFH，當然其中包括申訴專員公署，所以若果你要去現場同職員作出投訴事項，短期內你都唔會做到！咁今日我中午就屎窟痕，致電申訴專員公署，同阿劉生傾吓計啦，主要係想佢哋講清楚俾我聽究竟邊啲政府部門我可以作出投訴，邊啲唔可以？
劉生唔知係咪驚我玩嘢，就問我其實陳生你係想投訴邊方面嘅嘢，等我幫你查吓！
咁我就拋出一句：「其實我想投訴司法機構，申訴專員公署受唔受理？」
當然睇得出劉生都比較驚，猛咁嗌我而家幫你查吓先查吓先，之後講：「申訴專員公署就只可以受理投訴司法機構當中嘅政務處，甚至政務長，但涉及法官及其他司法人員就唔得啦！」
我話：「太好啦，自從疫症之後，我就係發現司法機構裏面嘅政務處對大小法庭安排行政失當，我遲啲慢慢上嚟同你作出正式投訴司法機構政務處及投訴政務長嘅行政失當！」係呀我姓陳㗎！
Comments
EC
大家應該比多D 野班公務只去做
之前話三警口供不一證明冇夾口供，判左個手足有罪果個法官，都有寫信寄去投訴法官行為秘書署投訴佢。專業清算師FB有教。
幫緊你幫緊你
如果人人可以做到你咁，世界可能會好好多
聽到你把聲就知又係你陳生
你咁樣算唔算挑戰政府威權，算唔算分裂國家㗎? 我好担心你呀！
又係你啊, 陳生👏🏻😆 好鬼鐘意你啊👍🏻🌟🌟🌟🌟🌟
Benjamen Wong
🤣🤣🤣
I❤陳生！
😆
