wanhoisecret
patreon
兩年前北極之旅的奇異事件！
🕑 Added 2020-08-16 09:58:54 +0000 UTC話說早幾日Facebook提醒返我兩年前我去北極第一日食早餐嘅相片，令我好想同大家分享一個小故事！
話說2017年年尾我突然間中風，雖然係小型中風，對於我來講都係好大打擊，同埋身體虛弱咗好多！其實中風之後我好擔心以後係咪冇機會再旅行，一來身體狀況差咗好多，二來每日要食好多藥。咁八個月之後，我就同自己講，人生苦短，唔理咁多，唔可以阻止我繼續去旅行，於是乎決定去我人生其中一個最想去嘅地方：北極圈，我就唔理三七二十一，冇行程冇安排，買一張香港飛斯德哥爾摩嘅機票，總之不斷向北行，由瑞典入北極圈再入挪威再去北極Svalbard island！成個行程其實係好滿足！而途中發生一件好有趣嘅事，由於中風之後出現一個嚴重嘅副作用，就係完全失去左味覺，就好似依家啲人中武漢肺炎之後咁！但我決定唔理啦，沿途見到咩就食乜，當然整個北歐地區煙三文魚係好出名，同埋每日早餐數以10款煙三文魚任我揀！直到有一日我去到挪威某小鎮，嗰朝早喺酒店食三文魚，覺得乜咁鬼鹹㗎！突然間醒起，啲味覺返咗嚟喎！😱可能係因為放開心情，豁出去乜都玩乜都食，竟然將冇可能發生嘅嘢發生咗，當然如果係傳統西方醫學角度來講呢樣野又係冇可能，但係事實上我味覺突然間返咗嚟，而且陸陸續續回復正常，直到今天！
所以有時遇到疾病，真係心情係可以挑戰一切，所以我唔理㗎啦，不斷會去旅行！而家就係等緊疫症停止，好多地方要去！😂
Comments
咸到開眼另一境界，咸到回番味覺
😆😆😆 Sweden Norway 啲local 野咸到苦, 某情度上無咗味覺都唔係一件壞事。不過Sweden啲薯仔同啤梨超好味!😋 Norway 估佢唔到啲本地豬好鬼好食，啲蟹膏罐罐當年我托咗成2打返黎😆。三文我反而喜歡Finland的。不過係好得意，响香港我周身筋腱炎，日日唔係哩度痛就嗰度痛。但一上飛機到返到香港前，我係完全無痛狀態嘅! 可能真係心情影響一切!
好好味😋
應該係天主的神跡！！以鼓勵你另類宣教
食藥，會快d好（有時係）
俾蜜蜂針😂
Yes, 情緒會影響康復進度
哩個係上天比你既啟視，叫你去個旅行就乜事都冇😆
睇咁多篇, 最開心睇到呢篇! 身體健康呀!
心情好影響健康 X 2
51Hker
不如有空出post整個極圈之旅！好想睇相！
心情好影響健康。希望大家都常保持心境開朗 (雖然呢個時勢知易行難)! 啲三文鱼好吸引! 😋
應該係當地 空氣 同 風景 都怡人，身體馬上回復狀態 😄
從此坊間會開始流傳三文魚醫味覺😂
身壯力健， 龍馬精神！
身體健康，去多啲地方介紹俾我哋！
其實一直都有陰謀論講人體有自行俢復功能，好多病可以自己好但係整個醫療系統和藥廠要搵錢，先搞到咁多所謂絕症同要你食勁貴既藥來醫，好多癌症個案的人放棄治療走去環遊世界之後，反而好返·
身體健康呀.
諗返起你當年醫好哮喘嘅經歷，一樣係好離奇
加油，要去多啲旅行，keep住身體健康！味覺常在。
請繼續身體健康💛
身體健康
lok
🙂🙂
最緊要係身體健康
身體健康
我父親今年也中咗風(輕度)食野勁重口味。看來也要多和他走走，安排一下活動。🤔唉，但今個暑假又碰到上肺炎。另，D相好靚
我諗好多香港人都想疫情快啲完結，可以去旅行。
希望可以快d完結，去旅行
希望你身體健康
