wanhoisecret
patreon
關於叮噹的結局
🕑 Added 2020-08-05 02:05:05 +0000 UTC近日因為叮噹的二次創作被炒作到痴咗線！又令我諗返起90年代，因為所謂叮噹嘅結局軒然大波，雖然我係20年前寫過呢個個案，今日再提下大家！
話說90年代，某一日日本嘅漫畫連載，竟然出現咗叮噹大結局，結局係其實從來都冇叮噹呢隻機械貓出現過，真相係大雄係一個頸以下癱瘓嘅細路哥，要長期係一個機械玻璃箱裏面靠人工心臟人工肺呼吸，所以個細路哥就每日幻想個機械玻璃相就係叮噹，每日幻想同叮噹嘅故事！係一個極度悲劇嘅結局，故事刊登後，引來全日本讀者不滿，認為係童年崩壞，不能接受這樣的結局，後來傳說相關人員收回這篇叮噹結局版，並聲稱只是一場誤會！
後來有人就表示，其實係出版社同作者想試反應！而且傳出有另一個版本，就係其實大雄係一個自閉症嘅細路哥，無論叮噹、靜兒、技安、牙察仔.....全部都係佢幻想出嚟嘅人同故事！
當然就算以上任何一個版本都會令到讀者不滿，於是乎叮噹因為讀者唔希望有結局，就永遠無限期延續落去！
當然曾經出現過疑似嘅結局，例如叮噹壞咗大雄大個努力學習幫佢維修，例如叮噹決定返未來，但最尾都翻返嚟等等！
坦白講，其實叮噹根本就唔需要有結局，因為我哋每一個睇叮噹大嘅人，當成長到某一個階段其實就已經係結局，你明嘅就會明！😉
Comments
「因為我哋每一個睇叮噹大嘅人，當成長到某一個階段其實就已經係結局，」就好似電影版stand by me 1，成年左既大雄同細個既大雄講那番說話一樣。
其實多啦A夢真係有出過結局，就係1974年既3月連載既「さようなら、ドラえもん」，最後個格其實有出到「完結」字樣，甚至藤子．F．不二雄已畫緊新漫畫《みきおとミキオ》，不過因為藤子自己想繼續畫，而且多啦A夢單行本當年賣得好，所以單行本先改左做個篇唔係結局
叮噹對我嚟講只有林保全配音版本先值得睇~
有集城市傳聞 係作者死果日播出 全程大雄只係房到踱步 踱左一段時間 講一句「要走嘅始終都要走」就完左 唔知真定假
我唸每個人心裡面都有一個屬於自己嘅叮噹結局
Q太郎「真正結局」收錄於藤子F不二雄短編異色集第一期「牛頭族的食桌」。「正太即將有自己的孩子，再也不是小孩子了」Q太郎拋下這一句，並把Q王國的旗從空中扔掉便飛走了
Chan Sun
不過我相信您寫的第一個結局係作者真正結局; 佢個幾本異色短篇集, 好多就係咁風格, 尤其係其中一章, 寫出左Q太郎的真正結局, 都係好灰
Chan Sun
明的, 雖然灰但是現實....
同意。或者人當長大了，受叮噹嘅啟發，會努力成為 Elon Musk 或者 沈旭暉⋯
叮噹係陪住幾代人長大嘅，就好似我個年代睇老夫子咁，就算明知佢係重複嘅，都一樣睇得津津有味同埋耐人尋味！
完全明白
