wanhoisecret
patreon
關於潘小濤嘅一件小事
🕑 Added 2020-08-07 02:28:35 +0000 UTC今日係潘小濤先生喺商台最後一日正式主持電台節目，佢離職嘅原因相信冇人知道真相，就當佢係所謂嘅個人原因就算啦！
我認識潘小濤，但同佢唔係好熟，但大約六年前我同佢之間發生一件小事！話說佔中事件發生之後，我都測試自己能否返大陸，就不時會經羅湖返深圳， book間靚酒店休息兩三日，事件就發生喺有一次我同兩個朋友入住左一間離開市區遠少少嘅新開酒店休息渡假兩日，入住嘅時候，職員再三提醒我因為而家做緊特價，晚餐嘅自助餐只係$98人民幣，咁我哋就決定當晚去試啦！
就係晚餐嘅時候，嚟咗一位人士，無端端忽然間同我講起潘小濤太太喺香港工作嘅情況！我當然感到好奇怪，對方不斷同我講述佢太太喺香港社會福利署工作嘅時候處理過某一啲個案係相當有爭議性，咁我即管聽啦，其實又真係完全唔關我事！
嗰個人講完之後就走咗啦！後來我就喺度揣摩，到底呢番說話講俾我聽做咩呢？後來我就諗會唔會係叫我去傳話呢！由於一直以來都有個說法就係大陸政府一向都唔鍾意潘小濤喺節目鬧大陸嘅嘢，一直都有個說法，商台其中一要整頓嘅主持之一就係潘小濤！會唔會有人藉住我把口想警告潘小心講嘢，否則就要向佢老婆開刀呢？！
返到香港之後，我諗咗好耐，應唔應該將呢件事講比潘小濤聽？！後來我都係決定打電話俾佢，將成個過程話咗比佢聽！當然潘小濤認為都有少少係想警告佢嘅成份！而我主要係提醒叫佢老婆小心啲！
後來我同我一個好相熟嘅資深傳媒人講起呢件事，佢就認為我根本唔應該講比潘小濤聽，因為佢認為呢個係大陸想借我把口去警告或者恐嚇潘小濤，若果我講比佢聽就中了下策！咁當然我覺得成件事好矛盾，唔通我真係唔提一提潘小濤咩！不過後來若果我再遇到類似嘅事件我會處理得小心啲！認識我嘅朋友都知道，我一向都有呢個中間人傳話嘅角色，人在江湖身不由己呀！
今日潘小濤終於都離開商台，在此亦都祝願佢人生繼續豐盛！
Comments
小濤同您一齊錄一集專講中共會唔會完唔到場
話自己係強國但係連一把小小嘅聲音都怕成咁，慶幸自己能出生於香港！
今日好失落、好似之前聽夜媽媽夜爸爸、摩星嶺4号咁、然後冇咗！生活失去一個朋友嘅陪伴！
Politic is talk; radio is also talk. The main consideration is what matter and what level the one talks. Leaving a hot kitchen of politic may not be a bad thing for the Poon couple. Wish them all the best.
如果係我我都會選擇話比對方知
小濤離開唔多唔少都同Haters投訴都有關，雲海平日都應付唔少呢d Haters。
講事實就話人哋鬧佢哋，成班痴線人士
又少佐把聲音了
