wanhoisecret
patreon
星期日是非日
🕑 Added 2020-08-30 01:15:42 +0000 UTC近排講起啲恐怖藝人，啱啱聽到電台播佢拍檔首歌，我想分享一件事俾大家聽！話說早年一個初入行嘅歌手，冇人理冇人識，當然冇乜工作添啦，我就喺電台認識佢嘅，當日佢扮到係我粉絲咁嘅狀態，主動過嚟認識我添！
咁我真係好好客嘅，而且我真係一個聽歌嘅人，同歌手做朋友我係好樂意㗎！有一個星期六深夜，突然收到呢個歌手電話，話自己好唔開心好驚，問我可唔可以同佢去酒吧飲下酒傾吓計，好啦！巨蟹座永遠都係朋友嘅心理醫生嚟㗎嘛！聽佢吐苦水之餘佢又話自己對於某啲事情好驚（呢個唔講得）咁我就串佢你信耶穌嘅驚呢啲做乜姐？ ！
有一次佢又打俾我，話自己窮到冇飯食，冇錢開飯，真係開到聲問我可唔可以請佢食飯，我話冇問題啦夜晚過嚟尖沙咀，我唔係請佢食茶餐廳啊，係叫佢喺尖東富臨漁港海鮮酒家真係請佢食海鮮好嘢，但係估都估唔到佢未經我同意之下帶埋啲化妝同助手過嚟一齊食！嘩！呢條友！cheap到！
後來佢出新碟，仲主動話要送隻過嚟俾我叫我比下意見等等！
咁後來呢條友慢慢上位，不過唔係唱歌方面，係演藝方面，有大台照應，開始人人都識佢！
真係睇住佢性格同行為變化，之後真係一個電話一個訊息都冇再比我啦，甚至連最基本新年快樂聖誕快樂嘅訊息都冇㗎！咁後來有一次我去西藏旅行，我喺酒店見到當地電視台播佢哋首歌！我就影低覺得幾得意，寫個WhatsApp訊息俾佢「我竟然喺西藏見到佢哋播你哋啲歌！真係估唔到！」
估都估唔到佢咁樣回我「我而家喺馬來西亞做緊嘢，收到你咁嘅訊息，我都估唔到啦！」即係話我阻住佢？由嗰刻開始我當然唔敢再接觸佢啦，大明星嚟㗎啦！
咁早排呢個人結婚，當然冇通知我啦，當然唔請我去佢婚禮啦！真係好彩，否則我仲要俾你人情！
娛樂圈真係好大染缸，真係睇住一個初出茅廬嘅年輕人變質變性格，當然當然當然都有好多圈內嘅人，都係出污泥而不染，都係做到朋友嘅！
Ps近排先醒起，好多年前就有人托我做中間人接觸佢依家個老婆，搵佢老婆做司儀，佢老婆做DJ嘅！以後呢兩公婆任何嘅嘢，我都唔會再理亦都唔會再幫！娛樂圈大把呢啲好似你欠咗佢咁嘅人！
Comments
omg! 我好鐘意佢地寫嘅歌詞。真係估唔到詞中人係同現實相反。人，真係好恐怖。之前有個舞台劇介嘅，我又係本來有陪frd去睇佢地劇團的舞台劇，支持下本地創作，聽完你講佢個人原來係咁後，每次去睇一見到佢我就無明火起! 可能自己初中時都有類似經歷，之後我推到就盡推，唔想次次見到佢就一肚火!
得你果埸有講
Chan Sun
記得上次家春秋開場時您開名講過
嘩 原來咁架，其實佢地早期嘅歌係唔錯，但入左tvb之後就無哂創作，成隊野都變哂啦
痴孖筋
一開始R人請食飯仲乘機帶多兩件已經唔對路
lok
人 是不會 變, 是他本身就是這樣的人
EC
讀ive 時同佢同校，聽聞佢都唔係好人
c君...
鄭詩君？
其實聽落呢個人由以前開始就唔係好人，只不過係而家有能力，唔使扮嘢討好人呃飯食
以前啲歌真係好貼地⋯ 仲有首禁歌 但而家真係⋯
初初隻碟ok, 之後D歌已經無咗之前的火了
我都好失望
係咪姓c？
我之前好鍾意佢地，但見佢地上年完全冇出過聲，都知咩事......但佢個拍檔唔係都係咁賤架嘛？
姓鄧嘅？
估唔到佢係咁嘅人
佢地痴住玲玲姐同do姐呀麻，估唔到某君係咁既人，之前仲話好慘因為佢個病俾前女友飛添！
抱歉！已經脫左節
你當然可以繼續做佢哋粉絲嘅
No ! 我接受唔到😱。我原本好欣賞佢哋同佢哋啲歌。
條友有問題!!
你咪玩啦！講到咁白仲估唔到咩
A君？B君？C君？D君？E君？
留名等開估
死，無睇娛樂版,估吾到！
