wanhoisecret
patreon
關於對果個自稱韓寶生嘅想法！
🕑 Added 2020-09-01 01:48:35 +0000 UTC而家係咪你自己話係果個「韓寶生」就係「韓寶生」呢？話驚俾人騎劫，而家你咪比香港警察騎劫晒囉！你話我陰謀論都係咁講！
一年冇出過聲表達呢件事，仲話自己過去用化名出席個公開場合講嘢，咁應該有其他人知道呢件事啦，但到而家好似都冇其他人配合你嘅證供證實你係嗰個人囉！
之後又講到同屋企人同朋友正式斷絕關係，其實就係唔想有任何人講你真正嘅身份！
首先你話自己係英國唔通就係英國咩？室內環境，大佬，香港警務總署49樓都拍到啦！
就算我退一萬步，你真係嗰個被誤會為死咗嗰個人，都唔代表831太子站裏邊冇其他人死咗喎！
起碼我自己收到嘅第一手消息，都係話俾我聽現場太多不尋常事件，只不過係唔可以公開講咋喎！所以琴日呢條友彈出嚟，我只會覺得係納粹香港政府同黑警製造嘅洗白過程！我唔會信呢條友！而且今日大公報仲頭版做呢件事，直情講晒出面！
加多個可疑點，佢話自己過去一年有好多單被控告嘅個案係身，保釋條件可以冇收你證件？七月份即係立咗國安法之後可以大搖大擺坐飛機去英國？我點都唔信囉！
Comments
都有可能，跟住比佢去外國
覺得係佢本人，但好可能已經比港共政府收買左，係相隔一年之後，故意高調走出黎放風混淆視聽，為831洗白
其實佢個段片似背稿 好唔自然 同埋我係佢既話 我唔會專登搵返支光復旗返黎拍片
算啦，返正無捻住信。
舊年9月開學之後, 至少有兩間學校出通告話有學生過咗身, 仲好識時務話佢地係 830 自殺...... 9月10月又有大量離奇位置「墮樓」、跳海...... 根本唔止太子站裏面有死, 好多喺新屋嶺出事都唔定
https://www.facebook.com/cantonese.rfa/videos/1057796588004069/ 剛剛睇到
Owl
我都有印象舊年見過話係英國消息，但我睇果陣就唔太信佢係「韓寶生」，而且我覺得唔應該Focus係一個人度，應該Focus返成件事情。
所以就算流氓，都唔好自爆。
:'(
本來啲藍絲同事呢幾個月都收哂皮，自從721洗白同呢個「韓寶生」事件，即刻講嘢都大聲啲，日日高談闊論之前果啲係假新聞，雖然得班藍絲自己講冇人啋佢哋，但係見得到宜家已經開始改寫緊歷史。
全部都在改寫歷史, 改寫大家過去一年的認知: 721 兩幫人旗鼓相當打鬥, 林卓廷原告變被告；陳彥霖阿媽出庭就有人跳出嚟話信我啦天水圍跳樓嗰個唔係佢阿媽, 嗰個係一個肥男人 (!) ；831 前夕就有韓寶生話你地誤會了我831 冇死, 藍絲即刻大合唱你睇人都冇死你地拜祭嚟做乜..... 全部 timing 都咁 perfect!
其實佢個真名同韓寶生差咁遠已經奇怪（王茂俊？王茂生？王茂生都似D，但一定唔會出都個俊字囉），明明睇片好近又好明顯佢自己講出來，就算聽錯都唔會差好遠掛，另外除左黑警扮示威者，正常真係會有示威者係呢個時候仲用假名？唔通唔想保釋咩？
我都覺得果位人士好多疑點
係唔係都好，我覺得根本有意spin去話無死人，但有無死人都好，831無差別攻擊就點都係濫暴，就算真係無死人，都只係好彩
我之前喺Twitter 睇過話佢同Benedict Rogers喺英國飲酒，所以我相信佢喺英國，但係如果佢話自己有咁多條罪，就諗唔明佢點出境，就算佢一年前走都無咩可能
我有個陰謀論，佢隨時係一支針，方便起哂流亡海外抗爭者既底
係，好想知佢點出境。 就算佢係當事人無死，唔代表無其他人出事。要大家信就拎無剪過既cctv出嚟。
其實我都諗唔通點解揹咁多條罪, 可以俾佢出到境去外國?!
