wanhoisecret
patreon
講多少少831
🕑 Added 2020-09-01 08:10:41 +0000 UTC到底上年我有冇喺呢度透露過我已經唔記得咗，但係關於831我都係想講多少少！
首先黑警衝入太子站無差別襲擊市民係千真萬確無可置疑嘅事實！真係唔好再同我講冇發生過！至於有冇人死，而家當然係缺乏證據，但係我深信有人死，因為831之後其實發生咗一啲事情，我係唔可以講比大家聽！當然係涉及某些高層嘅內幕，但我依家可以講嘅係，當日凌晨在場嘅救護人員事後同我講返嘅情況！
我諗好多人都知道事發時，黑警就命令港鐵封鎖晒所有嘅出入口，而且派好多黑警把守鐵閘，咁當時已經有相當多嘅救護人員到達現場要求落去救人，但係黑警係一路都唔准去，呢樣野已經違反香港有份簽署嘅人權公約同維也納公約㗎啦，點會冇唔尋常地方啫？！過咗一段時間其中黑警容許一位senior 嘅拯救人員可以進入太子站，但已經係差唔多事發後兩個鐘頭，當佢返出嚟之後向同事表達嘅係，現場非常之不尋常：因為整個站包括大堂、月台等等都係充滿濃烈嘅天拿水味！ ！ ！救人就不可能需要天拿水，佢直覺認為就係用嚟洗去在場血跡同埋手指模之類嘅證據先需要咁大量嘅天拿水，咁你話俾我聽太子站冇人死過我真係唔信，甚至去過現場嘅醫護人員都唔信！
Comments
嗰期已經有人靠晒班黑幫做嘢，邊個字頭都好，都一定唔會交人。
雲海可唔可以講下陳彥琳單野？算唔算係香港奇案？
有人話係售票大堂見到 popo「御用」嘅簡姓師父第二晚出現係太子站，由 popo 護送入內
殺人要填命架
因果孽報何是了?! 冤魂快索命! 💪
我信
Dash Cheng
我們要把事實傳遞出去！！！ 任何渠道都係！！
個D站長都要不得好過
T
用正常邏輯， 如果冇古怪嘅， 咁撚聰明嘅黑警一早就任人入去影飽佢
當日有份協助隱瞞事件啲人, 包括黑警, 黨鐵員工和高層都罪孽深重, 一定要還, 甚至要後代替佢地還!
好多人死得不明不白，根本就係64重現，如果香港人再唔抗爭，再唔出聲，將來就算死更多人，都不能夠再出聲了，
如果殺人既係一般警察，我覺得政府會毫不猶豫交人黎息民憤 政權無必要亦唔會花大量成本去保護幾個無後台既普通警察 所以最大可能，就係打死人既唔係香港編制既假警察 先會令政府高度重視咁做洗白掩飾事實
Samuel Li
聽說有法科人員在太子站做咗一啲儀式。如果冇人死，呢啲儀式根本唔需要做。
有內部員工話，於上年 1^2 / 9 非行車時間落太子站做嘢，上司吩咐見到乜都唔畀影相，電話要放在站長室內畀人看管 (政府啲人)。落到月台，聞到漂白水味，有人打開月台幕門，將月台污水冲落路軌。
我覺得打死人唔係主要原因，當曰邊d人執緊所謂嘅法，我覺得先至係點解要隠暪嘅原因
封站封幾日，已經好不尋常。天網恢恢終會真相大白。
呢一年一次都冇搭過黨鐵啦，點只太子站！
難怪封站兩日，就係等天拿水味散
同處理徐步高案一樣手法
一個站要封30小時，無野發生過真係無可能
真係由831開始冇要搭車過去太子站，好不安
知道越多就越覺得恐怖，我自從上年831之後地鐵都唔太敢搭，如費必要都唔搭，更唔敢經過太子站，希望會有真相大白既一日。🙏🙏
