wanhoisecret
patreon
一段荒謬的教科書歷史
🕑 Added 2020-08-22 00:24:32 +0000 UTC香港政府終於向教科書開刀！唔准講六四事件、唔准講公民抗命、唔准講三權分立.......真係開始同大陸接軌啦！唔知幾時教科書開始作故仔啦！
又要講返係我眼中中共最勁嘅歷史教科書事件，話說四九年中共統治成立新中國之後，中華民國因為內戰之前幾年嘅歷史書都趕唔切去出版，於是乎中共就控制撰寫二戰後嘅教科書！就出現一個黐孖筋嘅歷史故事，當時因為韓戰掛，竟然喺歷史書上面話「二次大戰後期，日本已經準備投降㗎啦，日本就係投降之後美國向日本投擲兩枚原子彈！簡直係喪盡天良⋯⋯！」
咁對於我哋香港出世長大嘅殖民時期學生來講呢段簡直係天大笑話啦，我好記得70年代返大陸嘅時候，有人真係俾返當年呢個說法嘅教科書我睇，我真係好後悔冇收藏一本，呢20年我仲係好努力想搵返一本咁荒謬嘅教科書收藏，費事中共話自己冇發生過呢件事，可惜仲未收藏到！
你諗吓中共扭曲世界歷史都可以去到咁，佢哋寫嘅歷史書教科書點可能會係真實㗎 ！香港遲啲就係咁㗎啦！
Comments
呢句野其實咪暗示左中共親日？？
所以真係唔好鬧9日本仔改南京大屠殺等曆史.....香港班官係咁
最好笑應該係受過英治教育，依家做緊官果d人。幫手修改歷史，自己知道做緊咩事，除咗短期有好處，將來難保下埸。
睇吓香港教育大學屬下的香港教育博物館會唔會將呢類教科書收做館藏
好悲劇，所以香港人如果無能力俾小朋友去外國升學，真係寧願唔好生，一陣俾正苦教壞細路，影響一生...
歷史可以比人類從過去中學習唔會重複犯錯，反觀中國不斷竄改歷史無法面對過去，所以歷史不斷重複不停自己人打自己人，帝王式統治一直存在只是換個名換個人，帝王式體制統治仍然存在
