wanhoisecret
patreon
是不是善終？
🕑 Added 2020-10-27 03:18:18 +0000 UTC早兩日同個社工老友食飯，他從事老人服務工作多年，見盡人生百態！
近月因為疫情，出現的新情況是，許多子女因隔離政策不能探望老人家。早個月他手上一位老人家，已經106歲！因為有些不舒服進了醫院，但不是武肺，由於他四名子女也在外國，而沒法趕回來、
某天老人家躺在病床上，還算精神地跟一位身在外國的兒子傾著電話，忽然像Matrix unplug咁突然死咗！醫護人員還要在電話告訴兒子你父親剛才突然死了！真係戲劇性到爆廠！
由於我老友係老人家嘅社工，就要接手處理佢嘅身後事，老人家四名子女都因為疫症問題而無返香港（算唔算係藉口呢？）到火化嗰日，只有四個人出席，包括我朋友、另一位社工、長期照顧佢嘅菲傭、同埋另一位工作人員！仲要撳嗰個掣入火化爐係另一位社工，在場冇任何老人家嘅親戚朋友！之後佢哋仲要將骨灰安排放喺之前已經一早申請好嘅天主教墳場.....總之由老人家發病都落葬，身邊冇任何兒女朋友親戚！呢個算唔算係善終呢？！大家點睇？
Ps我真係唔想咁長命囉！
Comments
可能家家有本難念的經，但點都好，都應該返一返黎，佢仲同得佢傾電話，即係關係點都唔太差啦，竟然唔返，唉！
係長命咗啲，苦悶咗啲，不過哩個算係「好死」。仲聽住個仔把聲走，留畀個仔最後印象添～
其實... 我諗家家有自己既問題既, 點解咁大年紀唔跟仔女去外國, 或無仔女一家返來同佢住呢....只有老人家自己知個原因啦
算善終，簡直係106歲人瑞「被提」！仲唔算善終？
能够到106，D仔女都8X, 换咗系我，我情願叫佢地唔好返，唔好彩，過多一個禮拜同我團聚就唔好啦，老人都希望子孫好，能送最好，呢種情況，真係無辦法
如果可以無病無痛咁去就算係有福氣了
我諗我到時仲慘過佢，我簽咗器官捐贈㗎啦，回饋社會算
家家有本難唸的經
梗係藉口啦，如果係搞分身家手續，佢地就算要隔離14日都即刻飛返黎啦
歲數不是重點，保不保持到自理能力才是重點
老人家夠鐘off line 希望佢來生開心仲好啦
106歲先至突然 unplug, 係好好福氣, 在生的送唔到佢先有遺憾啫
幾可悲...
已經活到106歲，走得快冇痛苦，身後事有人料理，算善終啦。
無痛苦突然死亡，係福氣。106歲，佢都活夠嘞。佢啲老友呀兄弟姊妹呀應該早就唔喺度，仔女都七老八十，啲孫點敢同佢哋周圍飛，飛機同機場先至係高危。
帶點遺憾既善終
都算係善終了
我同老公交帶左，如果一天突然暴斃。請不要通知任何人，盡量不要任何儀式，不要位，要回歸大自然！搞掂晒之後先至好通知我啲兄弟姊妹！
社交距離就導致到呢啲倫常隔離埋
Tom Yip
起碼最後階段都有菲傭照顧，仲可以同個仔對話中離世，比下有餘架喇
