wanhoisecret
patreon
近日怪夢特別多
🕑 Added 2020-10-09 04:00:06 +0000 UTC自從轉季開始，每晚都發啲好真實嘅夢，都係去世界各地唔同嘅地方唔同嘅環境，但係真實到一個點，我起身嗰刻以為嗰個係真實世界，或者我哋真係喺Matrix啦！
分享一個夢比大家聽，話說早幾日我夢到自己喺世界解封疫情限制旅遊之後，第一個去嘅地方竟然係返咗去伊拉克，好似inception咁，發夢嗰刻我已經坐喺個大旅遊巴裏面，我轉個頭望一望，見到我死鬼咗阿婆、死鬼咗阿媽、變咗藍絲冇聯絡嘅細舅父、仲有一兩個朋友，除咗細舅父講嘢其他人全部都冇出聲，我就問個導遊我哋依家去緊邊，嗰度又係當地伊拉克啲交通真係唔得.......之後唔知邊個同我講，因為疫情之前，有八個伊拉克人之前留低咗八首歌，呢次任務係要將八首歌逐個逐個送返比佢哋！無耐之後我就醒咗！好怪囉！
後來我同朋友傾起呢件事，佢話歌可以係代表信息，到底係咩八個信息？咩八個人？當然係個謎啦！
Comments
Yuliya
唔通就係清明夢
成個夢境好似 #觀落陰 ！（唔係香港 嘅遊地獄） 最好 check 吓你細舅父 是否仲健在⋯ 😨
可能你掛住你與細舅父 已往的一點一滴。 😁😁😁 可惜他變了藍
雲預言
我都想係咁
8國聨軍嘅信息
之前patreon 已經講晒
細舅父係咪以前成日去旅行嗰個？ 咁熱愛自由，咁不羈嘅人變藍絲😨
夢中過世親人、朋友求超度。
Nick Lau
係時候創教了！
真係好似有好多訊息咁，雲海可能慢慢會領悟🤔 原來雲海仲係用語音出字，「我死鬼左『佢』阿婆、死鬼左『佢』阿媽」應該係「嘅」字啦😝
潜意识話你好想幫某d人做某d嘢，但身处環境不容許，完全係壓制嘅潜意识爆發
八個大字系咩我可能就知
