wanhoisecret
patreon
恐怖頒獎典禮
🕑 Added 2021-01-18 01:49:23 +0000 UTC由小學開始，我係一個聽眾，聽流行曲聽電台聽訪問睇各台每年流行曲頒獎典禮，由以前細個係興趣到而家身為傳媒工作者係職業所需；所以琴晚無線勁歌金曲頒獎典禮我都需要去睇......只能用慘不忍睹來形容，除咗林家謙嗰段可以正常呼吸之外，其餘部份都完全係呼吸有害！希望無線記住，佢哋每年一度嘅唔係新人推銷巡禮，而係喺樂壇稍為有成就嘅歌手成績表！但係琴日出現九成九嘅歌手，我真係唔知佢係乜水，啲歌難聽到一個點！完全就好似而家我喺彌敦道行街，見到嗰啲模仿日本品牌嘅家品店，一眾所謂歌手完全係嗰款抄抄雜雜、諗住用外表聲線胡混過關，呃到啲師奶大媽入場購買貨色，而佢哋啲歌，就好似啲吉舖短租買瓷器碟嘅舖頭，冇設計冇內涵粗製濫造，最緊要cheap，你聽佢哋唱歌完全冇靈魂冇投入感、結歌曲旋律歌詞同編曲恐怖到一個點！勁歌金曲以前細個係名牌，宜家只不過係一個垃圾堆填區，同佢地有千絲萬縷關係嘅唱片公司希望短時間推幾個新人唱下電視劇集主題曲，喺網上隨便宣傳下成功就賣到少少錢，唔成功就掉落堆填區再搵另一個！當然彌敦道上邊嘅吉舖永遠可以短期租約，貨品一向都唔值錢，參與呢場平價推銷活動嘅所謂歌手，自己揣摩一下啦！
Comments
應智越我識啊, 佢係VIUTV全民造星10強個貓仔
無睇N年。睇你啲cap圖，有一個我認得係佢台啲一線姐仔；有個係第一界佢台the voice出黎嘅；有個支那味重但响韓國讀完書返黎嘅，係你唔鐘意嘅台第一季做星十强，上年正式出歌嘅。其他真係唔知嘜水。 CCTVB的，何必咁認真呢！🤣🙃
淨係講“勁歌”呢個term都娘到打冷震啦
其實屌都廢事，連新聞台都係有天氣同交通消息，仲要咁啱經過又有時間先睇
人地Annual dinner搞大抽獎 點解要關心佢地邊個中獎
無睇勁歌好耐，無睇cctvb好耐
Parramatta Pangbourne
有啲係tvb自己演員喎，乜宜家缺人缺到要搵埋演員攞奬呀？😂
Youtube太多精彩節目，唔好浪費自己既青春同時間睇CCTVB既頒獎典禮
幾乎已經完全不看任何香港電視節目！個電視依家長期開着Netflix！
其實就好似跑馬咁之麻 一日十場馬，唔會場場都係國際一級賽 總要有三班馬，四班馬搞返場比賽 等d低級馬都有得過下衝線癮 一班馬頭馬同四班馬頭馬贏左都係去同一個地點影相既 咁四班馬馬主先有得感覺良好，深感投資有道架麻 大家睇開d，當係一場四班馬比賽黎睇冠亞季咪好囉
Vincent Cheuk Yin Lam
曾樂彤咪就係嗰個叫哂電台dj宣傳，結果見面會冇人要搵假fans 嗰個
阿公分豬肉
咪當人地間公司annual dinner 直播俾你睇！冇咩野值得上心！依家呢個年代，已經唔係用年尾頒獎禮去證明有冇成績！YouTube 、聽歌app多唔多view，已經知做得好唔好！夠直接夠！純粹個人諗法
嗰幾個MC啲衫好XX，似馬戲團多啲
好快會係垃圾站揾番d獎座
施匡翹咪就係第一個中武肺嘅香港藝人囉！
已經多年冇睇，應該有10年以上！
純講Cap圖，我係無睇個頒獎禮既，好多我都認得，但認得唔代表覺佢地唱歌得，好幾個好似都係出左一首歌或本身係果個台係做戲... 所以知下算啦
除咗英皇，其他大唱片公司都唔參加呢個頒獎禮架啦，無人玩，有啲TVB演員都有份拎歌曲獎🥱🥱
