wanhoisecret
patreon
一套好精彩的「被消失的公義」(影評）
🕑 Added 2021-04-28 05:39:52 +0000 UTC（有劇透）早兩日入戲院睇了套宣傳近乎零，有乜人談論的電影「被消失的公義」The Collini Case，這德國電影完全撇除了民族包袱，用男主角係土耳其人的身份，揭發德國在二戰時的嚴重戰爭罪行！
但我首先想討論嘅係，香港版嘅電影廣告及海報，大大個納粹黨標誌喺後邊，所以你入場之前已經完全有心理準備係關於納粹黨殺人嘅故事！但係我睇緊嘅過程先發現，原來呢套電影係由一位年輕律師透過一單命案，慢慢慢慢拆解死者同納粹黨喺意大利屠殺民眾有關係，令觀眾慢慢了解歷史真相！所以根本宣傳海報唔應該出現納粹黨標誌，因為呢個係劇透！咁我返到屋企，就查閱其他國家同樣電影嘅海報，包括台灣版，都一定唔會放張納粹黨標誌喺上面，你話香港啲電影公司係咪超低能勁戇居！
而電影用土耳其男主角，亦都令我諗起幾年前我喺慕尼黑住咗兩個星期，真係周街都係土耳其人，我就厚面皮地問當地人點解德國咁多客土耳其人，原來係二次大戰後，美國引進好多土耳其勞工幫手重建德國，而好多人就落地生根，依家好多土耳其人已經係德國兩三代！
Comments
謝推介
聽 黃世澤 Martin Oei 講，呢套電影係由一本同名嘅書改編，內容亦早已公開多年，真人真事，所以都無乜話劇透唔劇透，我覺得香港代理故意用特大嘅納粹徽號係故意，可能係希望透過呢套電影，記得香港發生⋯⋯
香港人對於文史哲完全冇興趣 只係識掘金淘寶Facebook樓價股票
後面揭露當時歷史片段時真係好憤怒😤😤
“....二次大戰.....土耳其勞工幫手.......落地生根.........德國兩三代！” 對！
