【突發時空🇸🇪🇨🇳】戰狼外交之全國杯葛瑞典H&M
🕑 Added 2021-03-24 23:01:03 +0000 UTC
雖然中國政府強調「這不是上一個辛丑年的中國」,我們感覺卻和夢回大清一模一樣。
戰狼外交的最新對象,居然輪到另一個歐洲國家瑞典。
事源瑞典服裝品牌H&M發表聲明,宣佈停止與新疆服裝工廠合作,並抵制新疆棉花。然後,中國有非常誇張的反應:全國所有媒體立刻連番砲轟,網民「自發」發起杯葛H&M運動,多名代言演藝人立刻割蓆,繼而出現大量針對H&M的改圖,要求「H&M滾出中國」。
H&M會否跪低,其實難說,畢竟H&M中國也發出了回應,說只是根據OCED基準採購,但似乎很難這樣蒙混過去。近年中國以經濟實力勒索各國,其實無往而不利,對英超、NBA等也連戰連勝,早就以為全世界都要賺人民幣。而且客觀而言,中國的經濟杯葛比西方的還要effective,例如十年前因為劉曉波獲諾貝爾和平獎而杯葛挪威三文魚(非常無厘頭),最終挪威政府也要簽訂城下之盟。
但這次中國的戰狼式回應,還是更進一步:這次「廣大網民」是希望逼使H&M承認「造謠」,要他們「證實」新疆一切很好,這比單純不表態更過份。「賺中國的錢,就要接受中國的一套」,這已經成了最新戰狼外交格言,格調要幾低有幾低。
《環球時報》胡總更施展「喪事當喜事辦」的共產黨國技,認為新疆是一場全球輿論戰,中國要加強宣傳新疆發展的正面形象,由於外國媒體根本不能進入新疆了解真相,就像當年納粹集中營一樣,中國就能夠通過自己的大外宣、加上經濟勒索,進行趙高指鹿為馬的實驗,誰支持誰有飯食,一如處理《港區國安法》一樣。
對全球企業而言,這樣下去,只能脫鉤:要是繼續在中國做生意,連中立也不可以、必須支持港區國安法、新疆再教育營,這些企業根本不可能在西方立足。而西方各國只要認真通過法案,嚴格禁止使用新疆棉花,企業要不歸邊也更難。新疆棉花是中國成衣的重要材料,背後也是貿易戰,大小公司再希望左右逢源、兩家茶禮,在新時代恐怕再不可能。
Comments
Brett Ho
好簡單,盡快將而家嘅香港記錄,呢個就係幾年前嘅新疆;幾年後嘅南深圳,如果重見到,咪知道而家嘅新疆係點囉
Jasmine Chu
又係「賺中国人錢」問題。H&M唔用新疆棉,係H&M唔賺中国人錢,定中国人賺唔到H&M錢呀
Chocobean
睇多陣先,反正唔買個零月唔使死。
pp lam
今日義和團真係好精彩,希望歐美真係醒覺對抗中國
Good Year
大陸生意其實唔係咁好做
Kelvin Lam
今日蘋果報導直頭義和團一樣!
Allen LA
這個不是辛丑年,是❝新醜❞年
Laska
其實有冇牌子做過統計,係用口杯葛,定銷量真係有跌到.....
Yu Yu
好多品牌舊年業績主要增長都係中國..... 係咪咁樂觀話脫鉤就脫鉤, 早兩日黨國未出聲, Elon Musk已經主動奶。商業世界始終好容易分化, 打H&M, Nike, 但輕輕放下uniqlo...
ReaderK
所以話,失去發表言論嘅自由非常可怕,但更可怕嘅係,連保持沉默嘅自由都無埋…
Richard Chung
咁H&M支唔支持得落?
June yu
真係想知,如果有一天人民要求中共攻打....,唔知中共好點呢?
Peter Lam
如果係以前, 中共呢套都仲work. 2008以後個NORM 係"大得不能倒", 一樣APPLY 落中國市場. 個個爭住奶, 覺得個市場大得不能無. 但經歷武肺同戰狼外交之後, 全球已經明白破局=推倒重來. 局都破左, 又唔死得喎. 加上中共擺明車馬要食硬你. "大得不能倒" 呢個NORM 已經一去不返. 利申: 愛國愛港, 支持中共全力加速瘋狂反制, 呼喚全國小粉紅大明星不停表演對新疆的冷血思維. 令世人徹底明白中共治下的可怕!
Descartes Vincent
再咁歸邊落去,咪變左冷戰...而熱戰機會都會很大提高?
Sean Leung
今次係全部會賣歐洲成衣都要表態,唔係只係H&M
Edwin Au
剛看到有線新聞報導 h&m的這篇聲明早在上年已發表 但最近幾天才被人舊事重提 不知是否楊王在美國的會談令牆內再次推行反外資熱潮呢🤔胡總的說話大概代表了中國即將再次推高大外宣的力度 若然繼續依賴“資助”歐美研究所從而獲得當地“學者”的“專業研究結果”在當地發佈 西方社會的公信力又一再下跌 到時在亂世中找到正確真實的資訊也很難
Dor
上帝使人滅亡,必先使人瘋狂。某個 (嚴格來說是某人?) 簡直已進入失智狀態!
?!?! ?!?!
中國自己搞串個party😅本來西方國家對中國嘅人權民主問題都係隻眼開隻眼閉,最多咪出人權報告話你兩句,近年中國嘅戰狼外交越搞越痴線,西方國家想扮盲睇唔到都唔得
Nic
新疆棉花棉花優質但出口價唔平,麵粉隨時貴過麵包。H&M呢D平價服裝會用到幾多新疆棉真係唔知,多數係普通平價棉花。市場上會消化呢D貴價棉花或者下游產品的應該主要係歐美日。如果新疆貴價棉花全部轉內銷,畀大陸人爆買,咁會衝擊國內的平價棉花同產業鏈。H&M呢D平價服裝一定已經深度本土化,成個大陸供應鏈自產自銷。中國人而家帶頭搞鬼呢D平價時裝店,即係打擊埋原本唔點受影響的中低價產業鏈。高端紡織業制衣業唔少都仲係港資。
James Lo
沈教授的國際關係課告訴我們,世上沒有任何一個地區的優勢是永恆的。從前的菲律賓,今日的香港;從前的新加坡,今天的台灣等等都是例子。當優勢不再,便是棄子
Angus Chan
Nike 都抵制埋。無得著耐克同乔丹啦😢😢😢
Nils
恭喜西方財團! 一一跪低! 三跪九叩! 萬歲!萬歲!萬萬歲! 🤣🤣🤣🤣🤣🤣
Neil Chu
想請教一下, 如果h&m唔打算撐到底嘅話, 佢搞咁多嘢嚟做乜呢? 兩嘢就跪低... 會好樣衰!