inmediahknet
patreon
法庭 ︳#元朗7.21 被告稱見警員到場後感安全 官問：有冇憤怒？覺唔覺得遲咗嚟？（27/3/2024）
🕑 Added 2024-03-28 01:40:47 +0000 UTC1️⃣ 【元朗7.21】被告稱見警員到場後感安全 官問：有冇憤怒？覺唔覺得遲咗嚟？
bit.ly/3vt4Jmz
第38天審訊，第三被告陳永晞供稱，在白衣人上月台後，他離開元朗站又折返，途中多次提醒途人小心。於11時21分，陳目睹警員到達元朗站。法官陳廣池問：「見到警察到場你有咩感覺？」陳表示：「鬆一口氣，覺得現場應該安全、平靜。」陳官追問：「有冇憤怒、不滿嘅情緒？」陳回應：「好老實講少許，當時唔理解情況，好奇多過憤怒不滿。」陳官又問：「你覺唔覺得佢哋（警員）遲咗嚟？」陳表示：「少少覺得，但係事出必有因，佢哋（警員）選擇呢個時候到達，相信警方有佢哋自己嘅安排同打算。我當時冇咁多資訊去 judge（判斷）究竟發生咩事。」陳又指，自己曾駕車義載4人離開元朗。
2️⃣ 【元朗7.21】控方質疑被告對閘內人對抗行為視若無睹 並有默契與人持喉射水
bit.ly/3xdzuwu
陳永晞供稱，案發時見閘外白衣人擲物，「相信暴力已經出現咗」，因此閘內人打開雨傘組成防線是合理。控方質疑，陳對於閘內人的對抗行為視若無睹，不會勸止。陳表示有勸止，直至有白衣人擲物，「我覺得 out of my power（並非我能力所及）去停止呢啲行為，我唔覺得自己有足夠影響力勸止，有呢個心都冇呢個力啦。」控方問陳是否認同閘內人擲物等行為，陳表示：「可以理解佢哋做嘅事係想防衛自己，但係我自己唔會做。」陳其後在閘內持消防喉射水，控方指：「你本人作出挑釁行為，用消防喉向白衣人射水？」陳不同意。陳早前稱持喉20秒後見達到目的令白衣人後退，將水喉交另一人。控方問：「你同閘內人士分工合作，有默契地進行挑釁行為？」陳不同意。
3️⃣ 【蘋果案】李宇軒群組中稱馬格尼茨基法最有力 裴倫德則指立法過程緩慢、證據門檻高
bit.ly/3IVfp0o
