55 Bar
patreon
日記～21/5/2021 ～ 赤柱有赤柱規則
🕑 Added 2025-05-08 13:58:03 +0000 UTC星期五 間中密雲 好熱28°C -32°C
早起，如常洗面擦牙摺被，出倉即去飯堂，因為Workshop 有工程，今日休息，明日星期六，後日星期日，睇來連續三日假期，真係慘，坐監最折磨就係無嘢做！
今日又有三個囚友過界，唉！連最好朋友光仔也走了，Sexsule 去到邊都係會比人蝦！早飯後寫吓信睇吓書。今日開始正式同ON 一齊食飯，之前係分開飯堂，因為ON 食嘅餐跟本地人不同，要combine，Pantree 會多左好多嘢做。而我們一齊食，就可以換來換去，例如：有薄餅咖哩，有薯仔等等可以交換西餐，而港人只可食常餐。早飯後，午餐正式第一次一齊用膳，十分熱鬧，大家換來換去。
今日終於寫完自己點樣係石壁被職員玩，點樣對抗，點樣去見心理，點樣去到小欖，最後去到赤柱，用小說形式寫好，寄去工會讓大家知道，在獄中也有反抗的方法。
天氣太熱了，係咁流汗，今日冲了三次涼。一邊冲涼，一邊飲紙包檸檬茶，成班人一齊冲，你潑吓我我潑吓你，大家赤條條咁玩，在苦中作樂一吓，調節一吓不屈的心情。原來勾結他每個期數有一定數量，剛剛今日有三人過界，其中一位阿乃，佢攞住結他離開，即我係星期日應該可以勾到結他用！但係阿乃係玩得叻嘅人，又肯教我，所以世事係無兩存其美。
