55 Bar
patreon
赤柱後記～劃飛
🕑 Added 2025-05-18 10:22:38 +0000 UTC5月16日約了張錦雄到赤柱探手足，上一編了講子Ken仔的問題，今日講吓花絮。
在我們通過所有檢查後，正在等候區，又咁岩撞見牛哥又探人，記得上次在柴灣人網舊址至今都有半年無見，當然，張錦雄同牛哥相識都超過十幾年，牛哥正在想當年，就輪到佢入去探訪先。因為係還押，只有十五分鐘。
直到牛哥探完出返來時，咁岩又見到黃進洋媽媽探佢，大家講了不足五分鐘，便到我們入去了。
正當我們離開時，原來隔三個位便見到黃進洋跟他媽媽。我唔識佢地，但Ken 仔就講左兩句，免得被人駡啦！離開後，Ken 仔講及黃進洋今次入獄原因，其實真係荒謬到無人有。（大概係黃進洋入左一間公司做，原來間公司有問題，於是黃去報警，但警方唔受理，於是黃準備辭職之時，竟然警方拉左佢話佢洗黑錢）如果大家想知清楚就去睇返啲新聞。
及後，張議員話有個手足叫佢媽媽劃飛，佢地都唔知咩叫劃飛，於是我已經清楚解釋左咩叫劃飛，當年2021年我係赤柱係1000蚊有八件煙，而家一千只得四件，煙貴左好多。劃飛的確係好捱好多，我當年劃飛後可以食蛋撻食奶茶，加餸食豆鼓雞等等…… 黑社會認錢唔認人，為了錢迫良為娼，為了錢殺人犯毒，為了錢什麼都可以做。所以劃飛可以跟黑社會打好關係，我都叫張議，如果經濟許可下，兩個月劃一條飛都唔過份。
在此抱歉，自己日記會盡快寫！但探手足一定要做先，見諒！🙏🙏.
Comments
Wai Tong Tze
💪
