55 Bar
patreon
日記-02/06/2021～懲教職員/保安/醫官
🕑 Added 2025-09-27 10:53:18 +0000 UTC星期三 間中有雨 29°C
清早6：30就起身了，早飯都沒有什麼驚喜，雖然劃左非，今朝無加餸，一片好難食嘅豬扒，送左比囚友食。返到Workshop 正式開始練習車衫領，現在是夏天，所以現在係造冬天的囚衣，原來所有囚衣都係囚友自己做返！原來車衫並非想像中那麼簡單，初時我覺得好容易，但自己練習了好多次都唔理想，原來有好多技巧要注意。
今日食午餐時，睇左一編由區議員寄入來嘅新聞，有一編“連登”嘅文章都幾好睇，解吓悶。剛巧囚友威威走來吹水，原來佢唔識分職員同保。（懲教署係監獄有幾種職位，一個係“職員”，負責管理囚友日常活動、工作、期數等等，而另一種係”保安”，負責監察囚友的犯罪活動，例如出入搜身、書信檢查、打交等等，“保安”等於監獄入面嘅警察，而職員係導師。另外係監獄入面都有醫院，有啲職員係負責派藥及醫院內的工作，例如要驗尿驗血等等）。
唔止點解，懲教好多職員都識我，好多時見到職員經過，我唔識佢地，但佢地都會同我打招呼，叫聲“阿鋒，最近點呀？”…… 我真係覺得有啲奇怪！下午返到workshop 再練習吓點車條領，原來有好多材料係為了比我練習而設。食完晚飯，係飯堂沖埋涼，其實成班男人一齊沖涼，都係男人們的一種浪漫，因為大家都會係到玩水！返到倉，今晚又有蛋撻做甜，要十非煙。今日收到妹妹的信，家中有隻狗狗被蛇咬死了。
